Lock Down ပြီးဆုံးမှုကို အောင်ပွဲခံရင်း တူရကီတွင် အမျိုးသမီးတစ်ဦးသေဆုံး

မေ ၁၊ ၂၀၂၀
M-Media

-တူရကီနိုင်ငံမှာ ရွေ့လျားသွားလာမှုကန့်သတ်ချက် ပယ်ဖျက်မှုကို အောင်ပွဲခံရင်း အမျိုးသမီးတစ်ဦး တောင်စောင်းကနေ ပြုတ်ကျသေဆုံးသွားတယ်လို့ သိရပါတယ်။

Olesya Suspitsyna လို့ အမည်ရတဲ့ အဲဒီအမျိုးသမီးဟာ အသက် ၃၁ နှစ်အရွယ်ရှိပြီး ကာဇက်စတန်နိုင်ငံသူဖြစ်ကာ တူရကီနိုင်ငံတောင်ပိုင်း အန်တာလ်ယာ အပန်းဖြေမြို့မှာ ဧည့်လမ်းညွှန်အဖြစ် လုပ်ကိုင်နေတာပါ။

Covid-19 ပြန့်နှံ့မှုကြောင့် ပြုလုပ်ထားတဲ့ ရွေ့လျားကန့်သတ်မှုအမိန့်ကို ပယ်ဖျက်ခဲ့တဲ့ ပြီးခဲ့တဲ့ တနင်္ဂနွေနေ့က နာမည်ကျော် ဒူကန်ပန်းခြံကို သူငယ်ချင်းနဲ့သွားရင်း အခုလို ကြမ္မာဆိုးမျိုးကို ကြုံတွေ့ခဲ့ရတာ​ ဖြစ်ပါတယ်။

ပန်းခြံက တောင်စောင်းတစ်ခုရဲ့ထိပ် အကာအရံပေါ်ကိုတက်ကာ ရေတံခွန်နောက်ခံထားပြီး ဓာတ်ပုံရိုက်ရာကနေ Olesya Suspitsyna တစ်ယောက် ခြေချော်ပြီး ပြုတ်ကျသေဆုံးခဲ့ပါတယ်။

ဒီအဖြစ်အပျက်ဟာ တူရကီဆိုရှယ်မီဒီယာမှာ အလျင်အမြန် ပြန့်နှံ့သွားခဲ့ပြီး တူရကီပြည်သူတွေကလည်း ဝမ်းနည်းကြောင်း ရေးသားခဲ့ကြပါတယ်။

Olesya Suspitsyna ရဲ့ အလောင်းကို ဆယ်ယူပြီးတဲ့နောက် ကာဇက်စတန်နိုင်ငံကို ပြန်လည် ပို့ဆောင်သွားမှာ ဖြစ်ပါတယ်။

Ref: Khallej Times