ကိုရီးယားနှစ်နိုင်ငံ နယ်စပ်တွင် ပစ်ခတ်မှုဖြစ်

မေ ၃၊ ၂၀၂၀
M-Media

-မိမိတို့တပ်တွေဟာ ​နယ်စပ်မှာ မြောက်ကိုရီးယားတပ်တွေနဲ့ ပစ်ခတ်မှုဖြစ်တယ်လို့ တောင်ကိုရီးယား စစ်တပ်က ဒီကနေ့မှာ ပြောကြားလိုက်ပါတယ်။

ဒီနေ့မနက် ဒေသစံတော်ချိန် ၈ နာရီလောက်မှာ နယ်စပ်က တောင်ကိုရီးယား ကင်းစခန်းကို မြောက်ကိုရီးယားတပ်တွေက တိုက်ခိုက်ခဲ့တာဖြစ်ပြီး၊ မိမိတို့ဖက်ကလည်း ၂ ကြိမ် ပြန်လည်ပစ်ခတ်ခဲ့တယ်လို့ တောင်ကိုရီးယား ကြည်း၊ ရေ၊​ လေ စစ်ဦးစီးအရာရှိချုပ်က ဆိုပါတယ်။

ပစ်ခတ်မှုနောက်ပိုင်းမှာ စစ်ဖက်ဆက်သွယ်ရေးလမ်းကြောင်းကနေတစ်ဆင့် တင်းမာမှုလျှော့ချရေး ဆွေးနွေးခဲ့ပါတယ်။ပစ်ခတ်မှုကြောင့် လူသေဆုံး၊ ဒဏ်ရာရမှုတော့ မရှိပါဘူး။

ရက်ပေါင်း ၂၀ ကျော်ကြာ လူမြင်ကွင်းကနေ ပျောက်နေတဲ့ မြောက်ကိုရီးယားခေါင်းဆောင် ကင်ဂျုံအွန် လူမြင်ကွင်းမှာ ပြန်ပေါ်လာပြီး နောက်တစ်ရက်မှာပဲ ဒီလိုပစ်ခတ်မှု ပေါ်ပေါက်လာတာပါ။

ကိုရီးယားနှစ်နိုင်ငံကို နယ်စပ်မှာရှိတဲ့ စစ်မက်လျှော့ချရေးဇုန်ဟာ ၄၈ ကီလိုမီတာ ရှည်လျားပြီး ၄ ကီလိုမီတာ ကျယ်ဝန်းပါတယ်။ ဇုန်အနီးနဲ့ ဇုန်အတွင်းမှာ မြေမြှုပ်မိုင်းပေါင်း ၂ သန်းလောက် ချထားပြီး၊ တင့်ကားထောင်ချောက်တွေ၊ သံဆူးကြိုးတွေနဲ့ ကမ္ဘာပေါ်မှာ လုံခြုံမှု အတင်းကြပ်ဆုံး နေရာလည်း ဖြစ်ပါတယ်

Ref: Aljazeera