မေ ၁၈၊ ၂၀၂၀
M-Media

Facebook က Giphy ကုမ္ပဏီကို ဝယ်ယူ

Facebook ဟာ gif ဓာတ်ပုံတွေ ဖန်တီးတဲ့ Giphy ကုမ္ပဏီကို ဝယ်လိုက်ပါတယ်။ ဒေါ်လာ သန်း ၄၀၀ နဲ့ ဝယ်ယူတယ်လို့ သတင်းထွက်ပေမယ့် Facebook က အတည်မပြုပါဘူး။ Giphy ကုမ္ပဏီကို Instagram ကုမ္ပဏီအောက်ထဲကိုထည့်မှာပါ။ တစ်ခြားဆိုရှယ်မီဒီယာကုမ္ပဏီတွေကလည်း Giphy က ထုတ်ကုန်တွေကို ဆက်သုံးလို့ရမယ်လို့ ဆိုပါတယ်။ ဒါပေမယ့် Facebook နဲ့ တော့ ပြိုင်ဘက်တွေ ဖြစ်လာမှာ ဖြစ်ပါတယ်။

လျှို့ဝှက်အာကာသယာဉ်တစ်ခု အမေရိကန်လွှတ်တင်

အမေရိကန်ဟာ သူတို့ရဲ့ အာကာသ စူးစမ်းရေးယာဉ် X-37B ကို မနေ့မှာ လွှတ်တင်ခဲ့ပါတယ်။ ဒါဟာ X-37B ယာဉ်ရဲ့ ၆ ကြိမ်မြောက် အာကာသ ခရီးစဉ်ဖြစ်ပြီး အခုတစ်ခေါက်မှာ power-beaming နည်းပညာကို စမ်းသပ်သွားမှာ ဖြစ်ကာ ကောက်ပဲသီးနှံမျိုးစေ့တွေအပေါ် ဓာတ်ရောင်ခြည်နဲ့ အခြားအရာတွေရဲ့ ရိုက်ခတ်မှုကို လေ့လာသွားမှာ ဖြစ်ပါတယ်။ အမေရိကန်အစိုးရဟာ X-37B စီမံကိန်းကို ထိပ်တန်းလျှို့ဝှက်အဖြစ် သတ်မှတ်ထားပြီး အသေးစိတ် အချက်အလက်တွေကို ထုတ်ပြောတာမျိုး မရှိပါဘူး။

Huawei ထံ ကွန်ပျူတာ Chip ရောင်းချမှုကို ကန်ပိတ်ပင်

Semiconductor နည်းပညာကို တရုတ်ဖုန်းကုမ္ပဏီ ​Huawei ရယူသုံးစွဲမှုကို အမေရိကန်အစိုးရက ကန့်သတ်လိုက်ပါတယ်။ ဒီကန့်သတ်ချက်ကြောင့် အမေရိကန် အခြေစိုက် ကွန်ပျူတာနဲ့ ဖုန်း chip ထုတ်လုပ်တဲ့ ကုမ္ပဏီတွေဟာ Huawei ကို ထုတ်ကုန်တွေ ရောင်းလို့ရတော့မှာမဟုတ်ပါဘူး။ တရုတ်ကတော့ အမေရိကန် နည်းပညာကုမ္ပဏီတွေကို တုန့်ပြန်အရေးယူမယ်လို့ ခြိမ်းခြောက်ခဲ့ပါတယ်။ 5G နည်းပညာမှာ ဦးဆောင်နေတဲ့ Huawei ဟာ မိမိတို့ရဲ့ အမျိုးသားလုံခြုံရေးကို ခြိမ်းခြောက်နေတယ်လို့ အမေရိကန်က မှတ်ယူပြီး ပိတ်ဆို့တားဆီးမှုတွေ ပြုလုပ်နေတာ​ ဖြစ်ပါတယ်။

Tab များကို ဂရုဖွဲ့လို့ရမည့် လုပ်ဆောင်ချက် Google Chrome တွင် ထည့်သွင်းမည်

ဖွင့်ထားတဲ့ Tab တွေ​ကို တစ်စုတစ်စည်းတဲ့ Group လုပ်လို့ရမယ့် လုပ်ဆောင်ချက်အသစ်တစ်ခုကို Chrome browser မှာ Google က မကြာခင်ထည့်သွင်းပေးသွားတော့မှာပါ။ ဒါ့ကြောင့် မတူညီတဲ့ လုပ်ငန်းတွေအတွက် Tab တွေအများကြီးဖွင့် အသုံးပြုရတဲ့သူတွေမှာ လွယ်ကူစေမှာဖြစ်ပါတယ်။ Tab တွေစုထားတဲ့ ဒီ Group တွေကို အမည်ပေးတာ၊ အရောင်ပြောင်းတာ၊ emoji ထည့်သွင်းတာတွေလည်း လုပ်ဆောင်နိုင်မှာ ဖြစ်ပါတယ်။

Ref: BBC, CNN

mmTechNews