တရုတ်ကရန်စလျှင် တုန့်ပြန်နိုင်စွမ်းရှိသည်ဟု အိန္ဒိယဝန်ကြီးချုပ်ပြော

ဇွန် ၁၈၊ ၂၀၂၀
M-Media

-ပိုင်ဆိုင်မှုအငြင်းပွားနေတဲ့ နိုင်ငံတောင်ပိုင်း လာဒက်ခ်ဒေသက ပဋိပက္ခအတွက် အိန္ဒိယခေါင်းဆောင်တွေက တရုတ်နိုင်ငံကို သတိပေးလိုက်ပါတယ်။

လာဒက်ခ်ဒေသ ဂါလ်၀မ် ချိုင့်ဝှမ်းမှာ တနင်္လာနေ့က နှစ်နိုင်ငံ စစ်သားတွေအကြား ခိုက်ရန်ဖြစ်ပွားခဲ့ပြီး အိန္ဒိယဖက်က ဗိုလ်မှူးကြီး တစ်ဦးအပါအဝင် တပ်ဖွဲ့ဝင် ၂၀ သေဆုံးခဲ့ပါတယ်။ ဒါဟာ ၄၅ နှစ်အတွင်း နှစ်နိုင်ငံအကြား အဆိုးဝါးဆုံး ထိပ်တိုက်တွေ့ဆုံမှုပါ။ တရုတ်ဖက်ကတော့ သေဆုံး၊ ဒဏ်ရာရမှုစာရင်းကို မထုတ်ပြန်ပါဘူး။

ဒီအဖြစ်အပျက်အတွက် အိန္ဒိယနဲ့ တရုတ်တို့အကြား အပြန်အလှန် ပြစ်တင်ပြောဆိုခဲ့ကြပါတယ်။

အိန္ဒိယဝန်ကြီးချုပ် နရန်ဒရာမိုဒီက သေဆုံးသွားတဲ့ စစ်သားတွေကို ချီးကျူးခဲ့ပြီး သူတို့ရဲ့ စွန့်လွှတ်အနစ်နာခံမှုဟာ အချီးအနှီး မဖြစ်စေရဘူးလို့ ပြောကြားခဲ့ပါတယ်။

“ကျွန်တော်တို့အတွက် စည်းလုံးညီညွတ်မှုနဲ့ အချုပ်အခြာအာဏာဟာ အရေးအကြီးဆုံးပါ။ အိန္ဒိယက ငြိမ်းချမ်းရေးကို လိုလားပေမယ့် ရန်စလာရင်လည်​ ထိုက်ထိုက်တန်တန် တုန့်ပြန်နိုင်ပါတယ် “

ပြဿနာဖြစ်ခဲ့တဲ့ ဂါလ်၀မ်ချိုင့်ဝှမ်းဒေသကို သူတို့ပိုင်တယ်လို့ တရုတ်ရဲ့ပြောကြားမှုဟာ ယုတ္တိမရှိတဲ့ ပြောကြားမှု ဖြစ်တယ်လို့ အိန္ဒိယနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ အနူရဂ် ​ဆရီဗက်စ်တာဗာက မနေ့မှာ တုန့်ပြန်ပြောဆိုခဲ့ပါတယ်။

အိန္ဒိယနဲ့ တရုတ် နှစ်နိုင်ငံစလုံးဟာ နျူလက်နက်ပိုင်ဆိုင်ထားတဲ့ထားပြီး လက်ရှိတင်းမာမှုတွေ လျှော့ချရေး စစ်ဖက်အရာရှိတွေ တွေ့ဆုံဆွေးနွေးဖို့ရှိတယ်လို့ သတင်းတွေ ထွက်နေပါတယ်။

Ref: Aljazeera