ထိုင်းတွင် မြန်မာနိုင်ငံသားအချင်းချင်း ဓားထိုးမှုဖြစ်

ဇူလိုင် ၁၄၊ ၂၀၂၀
M-Media

-ထိုင်းနိုင်ငံအလယ်ပိုင်းမှာ မြန်မာနိုင်ငံသားအချင်းချင်း ခိုက်ရန်ဖြစ်ပွားမှုကြောင့် တစ်ဦးသေဆုံးပြီး ၆ ဦးကို ထိုင်းရဲတပ်ဖွဲ့က ဖမ်းဆီးထားပါတယ်။

ကန်ချနာ​ဘူရီပြည်နယ် မူအန်ခရိုင်က စူပါမားကတ်တစ်ခုရှေ့မှာ တနင်္ဂနွေနေ့က ခိုက်ရန်ဖြစ်ပွားခဲ့တာဖြစ်ပြီး အသက် ၁၉ နှစ်အရွယ် Maung Tho Phe ဆိုသူ ဓားနဲ့ထိုးခံလိုက်ရတာပါ။ Maung Tho Phe ဟာ ဒဏ်ရာကြောင့် နောက်ပိုင်းမှာ သေဆုံးသွားခဲ့ပါတယ်။

တိုက်ခိုက်ခဲ့သူတွေဟာ ထွက်ပြေးသွားခဲ့ပေမယ့် ထိုင်းရဲတပ်ဖွဲ့နဲ့ လူဝင်မှုကြီးကြပ်ရေးအဖွဲ့တို့ ပူးပေါင်းကာ ကျူးလွန်သူတွေထဲကတစ်ဦးကို ဘန်ကောက်မှာ ဖမ်းမိခဲ့ပြီး၊ ကျန်တဲ့ ၅ ဦးကိုလည်း ဆက်လက်ရှာဖွေ ဖမ်းဆီးနိုင်ခဲ့ပါတယ်။

ကျူးလွန်သူတွေဟာ အသက် ၂၀ ကနေ ၂၉ နှစ်ကြားရှိတဲ့ လူငယ်တွေဖြစ်ပါတယ်။ စူပါမားကတ်အကိုအသွား အခြားမြန်မာအုပ်စုနဲ့တွေ့ရာကနေ စကားများ ရန်ဖြစ်ကြတယ်လို့ ထွက်ဆိုခဲ့ကြောင်း၊ လူသေသည်အထိ အပြင်းအထန်နာကျင်စေမှု၊ လက်နက်ကိုင်ဆောင်မှုတွေနဲ့ အမှုဖွင့်ထားကြောင်း ထိုင်းရဲတပ်ဖွဲ့က ထုတ်ပြန်ပါတယ်။

Ref: Bangkok Post