မိုးသည်းထန်မှုကြောင့် နယူးဒေလီရှိ သမိုင်းဝင်ဗလီ အမိုးခုံးပြိုကျ

ဇူလိုင် ၂၃၊ ၂၀၂၀
M-Media

-မိုးသည်းထန်စွာ ရွာသွန်းမှုကြောင့် အိန္ဒိယနိုင်ငံ မြို့တော် နယူးဒေလီက နှစ် ၂၀၀ သက်တမ်းရှိတဲ့ ဗလီတစ်လုံးရဲ့ အမိုးခုံး ပြိုကျသွားပါတယ်။

‘မူဘာရက် ဘေဂွမ်’ လို့အမည်ရတဲ့ အဲဒီဗလီကို အိန္ဒိယအုပ်စိုးတဲ့ မဂိုအင်ပါယာကို ဗြိတိသျှက မဖယ်ရှားခင် ၁၈၂၃ ခုနှစ်မှာ တည်ဆောက်ခဲ့တာပါ။ မဂိုဗိသုကာလက်ရာကြွယ်၀ပြီး ဒေလီမြို့ဟောင်းရဲ့ သမိုင်းဝင်နေရာတွေထဲက တစ်ခုလည်း ဖြစ်ပါတယ်။

ဗလီရဲ့အမည်ဟာ လှူဒါန်းတည်ဆောက်သူ အမျိုးသမီးရဲ့ အမည်ကို အစွဲပြုပြီး မှည့်ခေါ်ထားတာပါ။

ဗလီအမိုးခုံးပြိုကျတဲ့ဓာတ်ပုံတွေဟာ အိန္ဒိယ ဆိုရှယ်မီဒီယာ အသုံးပြုသူတွေကြားမှာ ပြန့်နှံ့ခဲ့ပြီး သမိုင်းဝင်အမွေအနှစ်တွေကို ထိန်းသိမ်းဖို့ တိုက်တွန်းဆော်ဩမှုတွေလည်း ရှိနေပါတယ်။ ဗလီဂေါပကအဖွဲ့ကတော့ အမြန်ဆုံး ပြန်လည်ပြင်ဆင်သွားမယ်လို့ ပြောကြားခဲ့ပါတယ်။

အခုသီတင်းပတ် အစောပိုင်းကစပြီး မိုးသည်းထန်စွာရွာသွန်းမှုကြောင့် နယူးဒေလီမှာ အဆောက်အဦးတွေပြိုတာ၊ သစ်ပင်လဲတာတွေ ဖြစ်ခဲ့ပြီး လူသေဆုံးမှုလည်း ရှိခဲ့ပါတယ်။

Ref: Aljazeera