လူမည်းတစ်ဦးကို ရဲတပ်ဖွဲ့က ပစ်ခတ်မှုကြောင့် အမေရိကန်တွင် လူထုအုံကြွမှု ထပ်ဖြစ်

ဩဂုတ် ၂၆၊ ၂၀၂၀
M-Media

-အမေရိကန်ပြည်ထောင်စု ၀စ်ကွန်စင်ပြည်နယ်မှာ လူမည်းတစ်ဦးကို ရဲတပ်ဖွဲ့က ပစ်ခတ်ပြီးနောက်ပိုင်း ဆန္ဒပြမှုတွေ ၃ ရက်ဆက် ဖြစ်ပွားကာ နောက်ထပ် လူသေဆုံးမှုတွေလည်း ရှိလာပါတယ်။

နိုင်ငံတောင်ပိုင်း မြို့ငယ်လေးကီနိုရှာက မနေ့ကဆန္ဒပြမှုမှာ ဆန္ဒပြသူအချင်းချင်း ပစ်ခတ်မှုကြောင့် အနည်ဆုံး တစ်ဦး သေဆုံးခဲ့ပါတယ်။ ဒီပစ်ခတ်မှုဟာ လက်နက်ကိုင်ပြီး ဓာတ်ငွေ့ဆိုင်တစ်ခုကို စောင့်ကြပ်နေတဲ့ ပြည်သူ့စစ်ဆိုတဲ့အဖွဲ့နဲ့ ဆန္ဒပြသူတွေအကြား ဖြစ်ပွားတာမျိုးလားဆိုတာကို ရဲတပ်ဖွဲ့က စုံစမ်းစစ်ဆေးနေပါတယ်။

ကီနိုရှာမြို့မှာ တနဂ်နွေနေ့က အသက် ၂၉ နှစ်အရွယ် ဘလာကီဆိုတဲ့ လူမည်းအမျိုးသားတစ်ဦးကို လူဖြူ ရဲအရာရှိတွေက သေနတ်နဲ့ အနည်းဆုံး ၇ ချက်လောက် ပစ်ခဲ့ပြီးတဲ့ နောက်ပိုင်း ဆန္ဒပြမှုတွေဖြစ်လာလို့ ၀စ်ကွန်စင်ပြည်နယ် အုပ်ချုပ်ရေးမှူးက အရေးပေါ် အခြေအနေ ကြေငြာခဲ့ရပါတယ်။

ဘလက်ကီကို ဘာ့ကြောင့် ပစ်သတ်ခဲ့လဲဆိုတာကို ရဲတပ်ဖွဲ့က ထုတ်ပြန်ခြင်း မရှိသေးပါဘူး။ မိသားစုဝင်တွေက ဘလက်ကီဟာ ကိုယ်တစ်ပိုင်းသေသွားပြီး အသက်အန္တရာယ် စိုးရိမ်ရတဲ့ အနေအထားမှာ ရှိနေဆဲလို့ ပြောကြားခဲ့ပါတယ်။

ကီနိုရှာမြို့မှာ ရဲတပ်ဖွဲ့၀င်တွေ ထူထပ်စွာချထားပြီး ဆန္ဒပြသူတွေဟာ ကားတွေ၊ အဆောက်အဦးတွေကို မီးရှို့ဖျက်ဆီးတာကြောင့် ရဲတပ်ဖွဲ့ကအင်အားသုံးကာ နှိမ်နှင်းမှုတွေလည်း ရှိနေပါတယ်။

ပြီးခဲ့တဲ့မေလတုန်းကလည်း မင်နီယာပိုလစ်မြို့မှာ ရဲတပ်ဖွဲ့ရဲ့ ဖမ်းဆီးမှုအတွင်း အသက် ၄၅ နှစ်အရွယ် လူမည်းအမျိုးသား ဂျော့ဂျ်ဖလွိုက် သေဆုံးခဲ့ပြီးတဲ့နောက် နိုင်ငံတစ်ဝှမ်း အကြီးအကျယ် ဆန္ဒပြမှုတွေ ဖြစ်ပေါ်ခဲ့ပါတယ်။

Ref: Aljazeera