ကိုဗစ်ကာကွယ်ဆေးရပါက မြန်မာနိုင်ငံကို ဦးစားပေးမျှ၀ေရန် တရုတ်က ဆန္ဒရှိ

စက်တင်ဘာ ၃၊ ၂၀၂၀
M-Media

– Covid-19 ကာကွယ်ဆေး ဖော်နိုင်တဲ့အခါ မြန်မာနိုင်ငံကို ဦးစားပေးမျှ၀ေသွားဖို့ ဆန္ဒရှိတယ်လို့ တရုတ်နိုင်ငံက ပြောကြားလိုက်ပါတယ်။

တရုတ်ကွနမြူနစ်ပါတီ ပေါ်လစ်ဗျူရို(CPC)ရဲ့ ဗဟိုကော်မတီအဖွဲ့၀င်ဖြစ်ပြီး၊ ကော်မတီရဲ့ နိုင်ငံခြားရေးအဖွဲ့ ဒါရိုက်တာလည်း ဖြစ်တဲ့ ယန်ဂျီချီရဲ့ မြန်မာနိုင်ငံခရီးစဥ်မှာ ဒီသတင်းစကား ပါးခဲ့တာပါ။

ယန်ဂျီချီဟာ နိုင်ငံတော်သမ္မတ၊ နိုင်ငံတော် အတိုင်ပင်ခံပုဂ္ဂိုလ်တို့နဲ့ တွေ့ဆုံခဲ့ပြီး နှစ်နိုင်ငံ အဆင့်မြင့်အရာရှိ ဆွေးနွေးပွဲတွေ ပြုလုပ်ရေး၊ နိုင်ငံရေးယုံကြည်မှု အားကောင်းစေရေး၊ ကုန်သွယ်မှု တိုးမြှင့်ရေး၊ တရုတ်-မြန်မာ စီးပွားရေးစကြ်န် (CMEC) တိုးတက်အောင် ဆောင်ရွက်ရေး၊ Belt and Road စီမံကိန်းအောက်က ဆောက်လုပ်ရေးလုပ်ငန်းတွေကို အရှိန်မြှင့်တင်ရေး စတဲ့ ကိစ္စရပ်တွေကို ဆွေးနွေးခဲ့ကြပါတယ်။

လက်ရှိ ရင်ဆိုင်ကြုံတွေ့နေရတဲ့ ကိုဗစ်ကပ်ရောဂါ တိုက်ဖျက်ရေးမှာ ဆွေမျိုးပေါက်ဖော်ချစ်ကြည်ရေးအတိုင်း အပြန်အလှန် ဖေးမကူညီသွားဖို့လည်း ဆွေးနွေးမှုမှာ သဘောတူညီခဲ့ကြပါတယ်။

ယန်ဂျီချီက တရုတ်နိုင်ငံဟာ ကိုဗစ်ကာကွယ်ဆေးရရှိဖို့ ကြိုးပမ်းနေပြီး အောင်မြင်တဲ့အခါ မြန်မာနိုင်ငံကို ဦးစားပေမျှ၀ေသွားဖို့ ဆန္ဒရှိတယ်လို့ ထည့်သွင်း ပြောကြားခဲ့ပါတယ်။

မြန်မာခေါင်းဆောင်တွေက မြန်မာနိုင်ငံရဲ့ ငြိမ်းချမ်းရေးနဲ့ ဖွံ့ဖြိုးတိုးတက်ရေးအတွက် တရုတ်နိုင်ငံရဲ့ တန်ဖိုးမဖြတ်နိုင်တဲ့ ကူညီပံ့ပိုးမှုတွေအတွက် ကျေးဇူးတင်ကြောင်း၊ ကိုဗစ်ကပ်ရောဂါ ကျော်လွှားရေးအတွက် တရုတ်နိုင်ငံနဲ့ ပူးပေါင်းဆောင်ရွက်လိုကြောင်း ထည့်သွင်းပြောဆိုခဲ့ပါတယ်။

ယန်ဂျီချီဟာ တပ်မတော် ကာကွယ်ရေးဦးစီးချုပ် ဗိုလ်ချုပ်မှုးကြီး မင်းအောင်လှိုင်နဲ့လည်း တွေ့ဆုံခဲ့ပါတယ်။

Ref: CGTN

(Photo – ယန်ဂျီနှင့် သမ္မတဦးဝင်းမြင့်တို့ တွေ့ဆုံစဥ်)