အရှေ့ဂျေရုစလင်တွင် ပါလက်စတိုင်းတို့၏ နေအိမ် ဖြိုချခံရမှု သိသိသာသာ မြင့်တက်

စက်တင်ဘာ ၇၊ ၂၀၂၀
M-Media

-ပါလက်စတိုင်းပိုင်အနောက်ဖက်ကမ်းက အရှေ့ဂျေရုစလင်မှာ သြဂုတ်လအတွင်း အစ္စရေးက အဆောက်အဦးတွေ ဖြိုချဖျက်ဆီးမှုကို တိုးမြှင့်လုပ်ဆောင်ခဲ့ပြီး အနည်းဆုံး ပါလက်စတိုင်းပြည်သူ ၈၅ ဦး အိုးမဲ့အိမ်မဲ့ ဖြစ်ခဲ့ပါတယ်။

အနောက်ဖက်ကမ်းက ဒေသတော်တော်များများကို အစ္စရေးတပ်ဖွဲ့တွေက ထိန်းချုပ်ထားထားပါ။

ဆောက်လုပ်ရေးပါမစ်မရှိလို့ဆိုတဲ့အကြောင်းပြချက်နဲ့ ပါလက်စတိုင်းနေအိမ်တွေကို အစ္စရေးက ဖြိုချမှုဟာ အရင်ကတည်းကရှိခဲ့ပြီး သြဂုတ်လအတွင်း ဒီအခြေအနေ ပိုမိုဆိုးရွားလာခဲ့တယ်လို့ ပါလက်စတိုင်းလေ့လာမှုအဖွဲ့ Wadi Hilweh Information Center က ပြောပါတယ်။

ပြီးခဲ့တဲ့လမှာ အရှေ့ဂျေရုစလင်က ပါလက်စတိုင်းတွေရဲ့အဆောက်ဦး ၅၁ ခု ဖြိုချ ဖျက်ဆီးခံခဲ့ရပြီး ကလေးငယ် အများစုအပါအ၀င် ၈၅ ဦး အိုးမဲ့အိမ်မဲ့ ဖြစ်ခဲ့ပါတယ်။

ဖြိုချခံရတဲ့ အဆောက်အဦးတွေဟာ လူနေအိမ် ၃၆ လုံး၊ စီးပွားရေးလုပ်ငန်း ၅ ခု၊လယ်ယာလုပ်ငန်း ၇ ခုနဲ့ အခြားအဆောက်အဦးတွေ ဖြစ်ပါတယ်။

အခုနှစ်အတွင်း အရှေ့ဂျေရုစလင်မှာ ဖြိုချဖျက်ဆီးခံရတဲ့ ပါလက်စတိုင်း အဆောက်အဦးအရေအတွက်ဟာ ၈၉ ခုရှိခဲ့ပါတယ်။ ၂၀၁၉ ခုနှစ်အတွင်း အရှေ့ဂျေရုစလင်မှာ ပါလက်စတိုင်းပိုင်အဆောက်အဦး စုစုပေါင်း ၁၀၉ ခု ဖြိုချခံခဲ့ရပါတယ်။

Ref: RT