မာဆေးလ်နောက်ခံလူကို ဖြတ်ကန်ချင်နေတဲ့ နေးမာ

စက်တင်ဘာ ၁၄၊ ၂၀၂၀
M-Media

မာဆေးလ်နောက်ခံလူ အလ်ဗာရိုဂွန်ဇာလက်ရဲ့ မျက်နှာကို ဖြတ်မကန်ခဲ့တဲ့အတွက် နောင်တရမိတယ်လို့ ပီအက်စ်ဂျီတိုက်စစ်မှူး နေးမာက Twitter စာမျက်နှာမှာ ရေးသားခဲ့ပါတယ်။

မနေ့က မာဆေးလ်ကို ၁ ဂိုး ဂိုးမရှိနဲ့ရှုံးတဲ့ပွဲ ပြီးကာနီးမှာ နှစ်ဖက်အသင်းသားတွေ အကြီးအကျယ် စကားများခဲ့ကြပြီး နေးမာအပါအဝင် ကစားသမား ၅ ဦး အနီကဒ်ပြ ထုတ်ပယ်ခံခဲ့ရပါတယ်။

မာဆေးလ်နည်းပြက ပီအက်စ်ဂျီကွင်းလယ်လူ ဒီမာရီယာ သူ့အသင်းသားတစ်ဦးကို တံတွေးထွေးလိုက်ရာကနေ ပြဿနာစတာလို့ ဆိုပါတယ်။

ဂွန်ဇာလက်ခေါင်းကို လက်နဲ့ရိုက်တာကြောင့် ထုတ်ပယ်ခံခဲ့ရတဲ့ နေးမာက ဂွန်ဇာလက်ဟာ သူနဲ့ အသင်းဖော်တွေကို လူမျိုးရေးခွဲခြားပြီး စော်ကားပြောဆိုခဲ့တယ်လို့ ဖွင့်ဟခဲ့ပါတယ်။

Ref : BBC