အင်ဒိုနီးရှားတွင် နှာခေါင်းစည်းမတပ်သူများကို အသုဘအတွက် ကျင်းတူးခိုင်း

စက်တင်ဘာ ၁၉၊ ၂၀၂၀
M-Media

-အင်ဒိုနီးရှားနိုင်ငံက ဒေသတစ်ချို့မှာ အာဏာပိုင်တွေက အပြင်ထွက်တဲ့အခါ နှာခေါင်စည်း မတပ်တဲ့သူတွေကို အသုဘအတွက် ကျင်းတူးခိုင်းတဲ့ ပြစ်ဒဏ်မျိုး ပေးနေပါတယ်။

အင်ဒိုနီးရှားနိုင်ငံမှာ Covid-19 ကူးစက်မှု၊ သေဆုံးမှု အရေအတွက်ဟာ အခုအချိန်အထိ မြင့်တက်နေဆဲပါ။ ပြန့်နှံ့မှုကို ထိန်းချုပ်နိုင်ဖို့အတွက် တင်းကြပ်တဲ့ စည်းမျဥ်းစည်းကမ်းတွေကိုလည်း အစိုးရက ထုတ်ပြန်ထားပါတယ်။

အရှေ့ဂျာဗားက ကျယ်ရမီဆိုတဲ့ ဒေသမှာတော့ အပြင်ထွက်တဲ့အခါ နှာခေါင်းစည်းမတပ်သူတွေကို အာဏာပိုင်တွေက မှတ်သားလောက်တဲ့ ပြစ်ဒဏ်မျိုး ပေးနေပါတယ်။

ဒါကတော့ ကိုဗစ်ကြောင့် ကွယ်လွန်သွားသူတွေကို မြှုပ်နှံဖို့အတွက် ကျင်းတူးခိုင်းတာပါ။
ကျယ်ရမီဒေသအကြီးအကဲ ဆူယိုနိုက သူတို့ဒေသမှာ အသုဘကျင်းတူးသူ နည်းနေတာကြောင့် ဒီစိတ်ကူးမျိုးရခဲ့ပြီး၊ ဒီလိုပြစ်ဒဏ်ပေးမှုဟာ စည်းကမ်းလိုက်နာဖို့ တွန်းအားတစ်ခု ဖြစ်လိမ့်မယ်လို့ ယုံကြည်ကြောင်း ပြောကြားခဲ့ပါတယ်။

နှာခေါင်းစည်းမတပ်သူတွေဟာ ကျင်းတူရုံ တူးပေးရတာဖြစ်ပြီး အသုဘချရာမှာတော့ မပါ၀င်ရပါဘူး။

ဒီပြစ်ဒဏ်အပြင် ဒဏ်ငွေဆောင်ခိုင်းတာ၊ အများပြည်သူနဲ့ သက်ဆိုင်တဲ့နေရာတွေကို သန့်ရှင်းရေးလုပ်ခိုင်းတာ၊ ဒိုက်ထိုးခိုင်းတာ စတဲ့ ပြစ်ဒဏ်မျိုးတွေလည်း ပေးတယ်လို့ ဆူယိုနိုက ဆိုပါတယ်။

Ref: CNN