အမေရိကန်သမ္မတ ဒေါ်နယ်ထမ်ရမ့်တွင် ကိုဗစ်ပိုးတွေ့ရှိ

အောက်တိုဘာ ၂၊ ၂၀၂၀
M-Media

-ဇနီးဖြစ်သူ မီလာနီယာနဲ့ မိမိတို့မှာ Covid-19 ပိုးတွေ့တယ်လို့ အမေရိကန်သမ္မတ ဒေါ်နယ်ထရမ့်က Twitter စာမျက်နှာကနေတစ်ဆင့် မနေ့မှာ အတည်ပြု ပြောကြားလိုက်ပါတယ်။

အနီးကပ်အကြံပေးတစ်ဦးဖြစ်တဲ့ ဟုပ်ဟစ်က်မှာ ပိုးတွေ့ခဲ့ရပြီးတဲ့နောက် ထရမ့်အပါအဝင် သမ္မတရုံးက တာဝန်ရှိသူတွေကို စစ်ဆေးခဲ့တာပါ။ လက်ရှိမှာ သီးခြားနေထိုင်နေပြီး ဇနီးမောင်နှံနှစ်ဦး အတူတကွ ကျော်ဖြတ်သွားမယ်လို့ ထရမ့်က ထည့်သွင်းရေးသားခဲ့ပါတယ်။

ထရမ့်ရဲ့ ဆရာဝန် ရှောင်ကွန်လေးက သမ္မတနဲ့ သမ္မတကတော်တို့ဟာ ကျန်းကျန်းမာမာရှိနေပြီး အိမ်ဖြူတော်မှာ သီးခြားနေထိုင်နေကြောင်း၊ ကုသနေစဉ်အတွင်း လုပ်ငန်းတာဝန်တွေကိုလည်း လစ်ဟင်းမှုမရှိ ထမ်းဆောင်သွားနိုင်မယ်လို့ ယုံကြည်ကြောင်း ပြောကြားခဲ့ပါတယ်။

ထရမ့်ဟာ ကိုဗစ်ကာကွယ်ရေး လုပ်ဆောင်ချက်တွေဖြစ်တဲ့ နှာခေါင်းစည်းတပ်ရေး၊ ခပ်ခွာခွာနေထိုင်ရေးတွေကို မနှစ်မြို့ဘဲ ဝေဖန်လေ့ရှိသူလည်း ဖြစ်ပါတယ်။

Ref: BBC