F-35 တိုက်လေယာဉ်ဝယ်ယူရန် ကာတာ၏ ကြိုးပမ်းမှုကို အစ္စရေးက ဆန့်ကျင်မည်

အောက်တိုဘာ ၁၂၊ ၂၀၂၀
M-Media

-အမေရိကန်က နောက်ဆုံးပေါ် F-35 တိုက်လေယာဉ်တွေ ကာတာထံ ရောင်းချမယ့် ဘယ်လိုအစီအစဉ်မျိုးကိုမဆို မိမိတို့က ဆန့်ကျင်သွားမှာဖြစ်ပြီး၊ အရှေ့အလယ်ပိုင်းမှာ အစ္စရေးကသာ စစ်ရေးအင်အားအသာနဲ့ ရှိနေရမယ်လို့ အစ္စရေးထောက်လှမ်းရေးဝန်ကြီး အလီကိုဟင်က ပြောကြားလိုက်ပါတယ်။

ကာတာဟာ F-35 တိုက်လေယာဉ်ဝယ်ယူဖို့အတွက် အမေရိကန်ကို တရားဝင်တောင်းဆိုထားတယ်လို့ Reuters သတင်းဌာနက ဖော်ပ​ြပါတယ်။

ဒီကိစ္စကို ဆန့်ကျင်မှာလားလို့ အစ္စရေးစစ်တပ်ရေဒီယိုက မေးမြန်းရာမှာ အလီကိုဟင်က ​ဆန့်ကျင်သွားမယ်လို့ ဖြေကြားခဲ့ပါတယ်။

“ကျွန်တော်တို့ ဆန့်ကျင်သွားမှာပါ။ ဒေသတွင်း ကျွန်တော်တို့ရဲ့လုံခြုံရေးနဲ့ စစ်ရေးအသာရမှုဟာ ကျွန်တော်တို့အတွက် အလွန်အရေးကြီးတဲ့ကိစ္စတစ်ခုပါ”

အမေရိကန်က ကြားဝင်စေ့စပ်ပေးပြီး ဩဂုတ်လမှာ လက်မှတ်ရေးထိုးခဲ့တဲ့ ယူအေအီ-အစ္စရေး ငြိမ်းချမ်းရေး သဘောတူညီချက်မှာ ပင်လယ်ကွေ့နိုင်ငံတွေအားလုံးကို F-35 တိုက်လေယာဉ်တွေရောင်းချရေး အမေရိကန် စဉ်းစားပေးသွားမယ်ဆိုတဲ့ အချက်လည်း ပါဝင်ပါတယ်။

သဘောတူညီချက်ရပြီး သိပ်မကြာခင်မှာပဲ အစ္စရေးက ဒီအချက်ကို မလိုက်နာလိုတဲ့ သဘောထားမျိုးတွေ ပြသလာပြီး ယူအေအီးက F-35 တိုက်လေယာဉ်ဝယ်ယူဖို့ ကြိုးစားမှုကို တားဆီးသွားမယ်လို့ ဆိုပါတယ်။

Ref: Arab News