၉၅ ရာခိုင်နှုန်း ထိရောက်မှုရှိသည့် ကိုဗစ်ကာကွယ်ဆေးကို ယူကေက ပထမဆုံး ထိုးခွင့်ပြု

ဒီဇင်ဘာ ၂၊ ၂၀၂၀

M-Media

– အမေရိကန်-ဂျာမန် ဆေးကုမ္ပဏီ Pfizer/BioNTech က ထုတ်လုပ်တဲ့ ကိုဗစ်ကာကွယ်ဆေးကို တစ်နိုင်ငံလုံးက ပြည်သူတွေကို ထိုးနှံဖို့အတွက် ယူကေက ဒီကနေ့မှာ ခွင့်ပြုလိုက်ပါတယ်။

လူတစ်ယောက်ကို ၂ ကြိမ်ထိုးရမယ့် အဲဒီကာကွယ်ဆေးဟာ ၉၅ ရာခိုင်နှုန်း ထိရောက်မှုရှိတယ်လို့ ဆိုပါတယ်။ ယူကေကျန်းမာရေးဝန်ကြီးဌာန MHRA က ကာကွယ်ဆေးဟာ အန္တရာယ်ကင်းပြီး လာမယ့် သီတင်းပတ်မှာ စတင်ထိုးနှံသွားမှာဖြစ်တယ်လို့ ပြောကြားခဲ့ပါတယ်။

ယူကေဟာ လူဦးရေ သန်း ၂၀ အတွက် ကာကွယ်ဆေးအလုံးရေ သန်း ၄၀ ကို မှာထားပြီး ဖြစ်ပါတယ်။ လာမယ့် ရက်အနည်းငယ်အတွင်း ကိုဗစ်အန္တရာယ်အရှိဆုံးသူတွေကို စတင်ထိုးနှံပေးသွားမှာပါ။

ရောဂါကာကွယ်ဆေး ထုတ်လုပ်မှုဟာ သာမန်အားဖြင့် နှစ်ဆယ်ချီ ကြာလေ့ရှိပေမယ့် အခု ကိုဗစ်ကာကွယ်ဆေးကို ၁၀ လအတွင်း ထုတ်လုပ်နိုင်ခဲ့တာဖြစ်ပြီး ကမ္ဘာ့အမြန်ဆုံးလည်း ဖြစ်ပါတယ်။

ကာကွယ်ဆေးတွေ စထိုးပေးတော့မှာဖြစ်ပေမယ့် နှာခေါင်းစည်းတပ်တာ၊ ခပ်ခွာခွာနေထိုင်တာလို ကိုဗစ်စည်းမျဉ်းစည်းကမ်းတွေကို ဆက်လက်လိုက်နာဖို့ လိုအပ်တယ်လို့ ကျန်းမာရေးဆိုင်ရာ ကျွမ်းကျင်သူတွေက ပြည်သူတွေကို သတိပေးထားပါတယ်။

Ref: BBC