အိန္ဒိစစ်တပ်အကြီးအကဲ ဆော်ဒီအာရေဗျသို့ သမိုင်းဝင်ခရီး သွားမည်

ဒီဇင်ဘာ ၆၊ ၂၀၂၀
M-Media

-အိန္ဒိယစစ်တပ်အကြီးအကဲ ဗိုလ်ချုပ် မာနွဂျ် မူကွန်ဒ် နာရာဗာနီဟာ ဒီကနေ့မှာ ဆော်ဒီအာရေဗျနိုင်ငံကို သွားရောက်သွားရှိနေပြီး ဒါဟာ အိန္ဒိယ စစ်တပ်အကြီးအကဲတစ်ဦးရဲ့ ပထမဆုံး သမိုင်းဝင် ခရီးစဉ် ဖြစ်ပါတယ်။

ရန်ဘက် ပါကစ္စတန်နိုင်ငံနဲ့ ဆော်ဒီအာရေဗျတို့အကြား ဆက်ဆံရေး အနိမ့်ဆုံးအဆင့် ရောက်နေတဲ့အချိန်မှာ ဒီခရီးစဉ် ပေါ်ပေါက်လာတာပါ။

၄ ရက်တာကြာမြင့်မယ့် ဗိုလ်ချုပ် နာရာဗာနီရဲ့ ခရီးစဉ်မှာ အာရပ်စော်ဘွားများပြည်ထောင်စု (ယူအေအီး) နိုင်ငံကိုလည်း သွားရောက်မှာ ဖြစ်ပါတယ်။

ဆော်ဒီခရီးစဉ်အတွင်း ဆော်ဒီစစ်တပ်အကြီးအကဲတွေနဲ့ တွေ့ဆုံဖို့ရှိသလို၊ ဆော်ဒီအမျိုးသား ကာကွယ်ရေးကောလိပ်မှာ မိန့်ခွန်းပြောကြားမှာပါ။

အိန္ဒိယဟာ ပြီးခဲ့တဲ့တစ်ပတ်ကပဲ ဆော်ဒီကို ဝေဖန်ခဲ့ပါတယ်။ ကက်ရှ်မီးယားဒေသရဲ့ ကိုယ်ပိုင်အုပ်ချုပ်ခွင့် ရုပ်သိမ်းခဲ့မှုကို ပယ်ဖျက်ရေး တိုက်တွန်းတဲ့ ဆုံးဖြတ်ချက်တစ်ခုကို ဆော်ဒီဦးဆောင်တဲ့ OIC အဖွဲ့က ထုတ်ပြန်ခဲ့လို့ ဖြစ်ပါတယ်။

G20 အဖွဲ့ ဥက္ကဌအဖြစ် တာဝန်ထမ်းဆောင်ခြင်းအထိမ်းအမှတ်အနေနဲ့ ထုတ်တဲ့ ငွေစက္ကူမှာ ကက်ရှ်မီးယားကို လွတ်လပ်တဲ့ ဒေသတစ်ခုအဖြစ် ဆော်ဒီက ဖော်ပြထားမှုအတွက်လည်း အိန္ဒိယက ပြီးခဲ့တဲ့လမှာ ဝေဖန်ကန့်ကွက်ခဲ့ပါတယ်။

ဆော်ဒီ၊ ယူအေအီးနဲ့ အိန္ဒိယတို့ရဲ့ ဆက်ဆံရေးဟာ ပြီးခဲ့တဲ့ နှစ်အနည်းငယ်အတွင်းမှာ တိုးတက်လာခဲ့ပါတယ်။

၂၀၁၉ ခုနှစ် အောက်တိုဘာလက ဝန်ကြီးချုပ် နရန်ဒရာမိုဒီရဲ့ ဆော်ဒီခရီးစဉ်အတွင်း ကာကွယ်ရေးကဏ္ဍ ပူးပေါင်းဆောင်ရွက်ရေး နားလည်မှုစာချွန်လွှာ လက်မှတ်ရေးထိုးခဲ့သလို၊ နှစ်နိုင်ငံ ပူးတွဲစစ်ရေးလေ့ကျင့်ရေးအတွက်လည်း ဆွေးနွေးခဲ့ကြပါတယ်။

Ref: The Hindu, Middel East Eye