အိန္ဒိယတောင်ပိုင်းတွင် မည်မသိရောဂါကြောင့် လူ ၃၀၀ ကျော် ဆေးရုံတက်ရ

ဒီဇင်ဘာ ၈၊ ၂၀၂၀
M-Media

-အိန္ဒိယနိုင်ငံတောင်ပိုင်းမှာ အမျိုးအမည်မသိတဲ့ ရောဂါတစ်ခု ဖြစ်ပွားတာကြောင့် အနည်းဆုံး လူ ၃၀၀ ကျော်လောက် ဆေးရုံတင်ခဲ့ရပြီး အနည်းဆုံး ၁ ဦး သေဆုံးခဲ့ပါတယ်။

အန်ဒရာ ပရာဒက်ရှ်က အီလူရူဆိုတဲ့မြို့မှာ လူတွေဟာ ပြီးခဲ့တဲ့ တနင်္ဂနွေနေ့မှာ မူးမေ့လဲကျတာ၊ အော့အန်တာတွေ ဖြစ်ခဲ့ပြီး ဆေးရုံကို ပို့ဆောင်ပေးခဲ့ရတာပါ။

အိန္ဒိယဟာ ကမ္ဘာပေါ်မှာ ကိုဗစ်ကူးစက်မှု ဒုတိယအမြင့်ဆုံးနိုင်ငံဖြစ်ပြီး လူ ၈ သိန်းကျော် ကူးစက်ခံထားရပါတယ်။ ဒါပေမယ့် အီလူရူက အခုအဖြစ်အပျက်ဟာ ကိုဗစ်ကြောင့်မဟုတ်ဘူးလို့ အာဏာပိုင်တွေက ပြောပါတယ်။

ဆေးရုံတင်လိုက်ရတဲ့ ၃၀၀ ကျော်မှာ ၁၈၀ လောက်က အခြေအနေကောင်းတာကြောင့် ဆေးရုံက ဆင်းသွားပြိလို့ ဆိုပါတယ်။ သေဆုံးသွားသူဟာ အခြားလူတွေလို မူးမေ့အော့အန်တာတွေ ဖြစ်ခဲ့ပေမယ့် နှလုံးရောဂါကြောင့် သေဆုံးခဲ့တာပါ။

အန်ဒါပရာဒက်ရှ် ကျန်းမာရေးဌာနက လူနာတွေကို သွေးစစ်ကြည့်ရာမှာ သွေးလွန်တုပ်ကွေး၊ ဆင်တုပ်ကွေးလို ကူးစက်ရောဂါမျိုး မဟုတ်ဘူးဆိုတာ တွေ့ရကြောင်း ထုတ်ပြန်ပါတယ်။

ဝေဒနာခံစားရသူ အားလုံးဟာ ရေအရင်းမြစ်တစ်ခုတည်းကို မျှဝေသုံးစွဲနေကြတဲ့အတွက် အဲဒီရေကို ဓာတ်ခွဲခန်းပို့ စစ်ဆေးထားတယ်လို့ ဆိုပါတယ်။

Ref: CNN