ကိုဗစ်ကာကွယ်ဆေး တီထွင်သည့် ဂျာမန်ဇနီးမောင်နှံ People of the Year အဖြစ် ရွေးချယ်ခံရ

ဒီဇင်ဘာ ၁၈၊ ၂၀၂၀
M-Media

-ကိုဗစ်ကာကွယ်ဆေး တီထွင်နိုင်ခဲ့တဲ့ ဂျာမနီက ဆေးသိပ္ပံပညာရှင် ဇနီးမောင်နှံနှစ်ဦးကို Financial Times သတင်းစာက ၂၀၂၀ ခုနှစ်အတွက် အကျိုးအပြုဆုံးလူသား (People of the Year ) အဖြစ် ရွေးချယ်လိုက်ပါတယ်။

တာ့က်နွယ်ဖွားတွေဖြစ်ကြတဲ့ ဒေါက်တာ အူရ်ဇာဟင်နဲ့ အိုဇ်လမ် တူရီချီတို့ ဇနီးမောင်နှံဖြစ်ပြီး သူတို့ပိုင်တဲ့ ဆေးသုတေသနကုမ္ပဏီ BioNTech ဟာ ကိုဗစ်ကပ်ရောဂါ ကမ္ဘာကိုမပြန့်ခင် တရုတ်နိုင်မှာ စဖြစ်နေတဲ့ ဇန်နဝါရီလ နှောင်းပိုင်းကတည်းက အမည်မသိဒီရောဂါအတွက် ကာကွယ်ဆေးထုတ်ဖို့ ပြင်ဆင်ခဲ့တာ ဖြစ်ပါတယ်။

“Covid-19 ကာကွယ်ဆေးကို တစ်နှစ်​ပျော့ပျော့အတွင်းမှာ ထုတ်လုပ်နိုင်ခဲ့တဲ့အတွက် ဒီဇနီးမောင်နှံဟာ သိပ္ပံနဲ့ စီးပွားရေးနယ်ပယ်မှာ ထူးထူးခြားခြား အောင်မြင်တွေ ရခဲ့ပါတယ်” လို့ Financial Times က ပြောပါတယ်။

“ကျွန်တော်တို့ စိတ်လှုပ်ရှားမိပါတယ်။ စမ်းသပ်မှုမဟုတ်ဘဲ တကယ့်ဘ၀မှာ လူတွေ ကာကွယ်ဆေးထိုးတာကိုမြင်ရတဲ့ ခံစားချက်က မတူပါဘူး” လို့ ဒေါက်တာဆာဟင်က ပြောပါတယ်။

ဒေါက်တာဆာဟင်နဲ့ ဇနီးဖြစ်သူ တူရီချီတို့ဟာ ထိရောက်တဲ့ ကင်ဆာကုသ​ဆေးရရှိဖို့ နှစ်ပေါင်း ၃၀ လောက် ကြိုးပမ်းခဲ့ပြီး လက်ရှိမှာ သူတို့ဖန်တီးထုတ်လုပ်ထားတဲ့ ကင်ဆာဆေး အနည်းဆုံး ၁၁ မျိုးလောက်ကို စမ်းသပ်နေပါတယ်။

ကိုဗစ်ကပ်ရောဂါ ပြန့်နှံ့လာပြီးနောက် သူတို့ဇနီးမောင်နှံဟာ ရရှိထားတဲ့ အတွေ့အကြံကို အသုံးချကာ Project Lightspeed စီမံကိန်းကို စတင်ပြီး ၁၀ လောက်အတွင်း ကိုဗစ်ကာကွယ်ဆေးကို ဖန်တီးထုတ်လုပ်နိုင်ခဲ့ပါတယ်။ အဲဒီနောက် အမေရိကန် ဆေးကုမ္ပဏီ Pfizer နဲ့ပူးပေါင်းကာ ကမ္ဘာတစ်ဝှမ်းမှာ စမ်းသပ်မှုတွေ ပြုလုပ်ခဲ့ပါတယ်။

BioNTech-Pfizer ထုတ် ကာကွယ်ဆေးကို ပြီးခဲ့တဲ့တစ်ပတ်က ယူကေမှာ ပထမဆုံး ပြည်သူတွေကို ထိုးပေးခဲ့ပြီး အမေရိကန်အပါအဝင် နိုင်ငံတစ်ချို့မှာလည်း အရေးပေါ်အသုံးပြုခွင့် ပေးလာပါတယ်။

“ကိုဗစ်စဖြစ်တဲ့ ဇန်နဝါရီလတုန်းက တစ်နှစ်အတွင်း ထိရောက်မှုရှိတဲ့ ကာကွယ်ဆေးရမယ်လို့ပြောရင် လူတွေက ခင်ဗျားမျက်နှာကိုကြည့်ပြီး ရယ်ကြမှာပါ” လို့ Southampton တက္ကသိုလ်က သုတေသနပညာရှင် မိုက်ကယ်ဟက်ဒ်က ပြောပါတယ်။

Ref: Financial Times