ကိုဗစ်ကာကွယ်ဆေးကို အင်ဒိုနီးရှားက နိုင်ငံတစ်ဝှမ်း ဖြန့်ဝေ၊ လူငယ်များကို ဦစားပေးထိုးပေးမည်

ဇန်နဝါရီ ၃၊ ၂၀၂၁
M-Media

-တရုတ်နိုင်ငံက ထုတ်လုပ်တဲ့ Sinovac ကိုဗစ်ကာကွယ်ဆေးကို အင်ဒိုနီးရှားမှာ ဒီကနေ့ စတင်ဖြန့်ဝေပေးနေပြီး အစိုးရက အရေးပေါ်အသုံးပြုဖို့ ခွင့်ပြုချက်ပေးတာနဲ့ ထိုးပေးဖို့ စီစဉ်ထားပါတယ်။

အင်ဒိုနီးရှားရဲ့ ကိုဗစ်ကာကွယ်ဆေးထိုးမှု လုပ်ငန်းဟာ ၁၅ လတာ ကြာမြင့်မှာပါ။ ကျန်းမာရေးဝန်ထမ်း ၁.၃ သန်းကို ဦးစားပေးထိုးပေးသွားမယ်လို့ ကျန်းမာရေးဝန်ကြီး ဘူဒီ ဂူနာဒီ ဆာဒစ်ကင်က မနေ့မှာ ပြောကြားခဲ့ပါတယ်။

အခြားနိုင်ငံတွေမှာ သက်ကြီးရွယ်အိုတွေကို ဦးစားပေး ထိုးပေးပေမယ့် အင်ဒိုနီးရှားမှာတော့ လူငယ်တွေကို ဦးစားပေး ထိုးပေးဖို့ စီစဉ်နေပါတယ်။ အင်ဒိုနီးရှားဟာ အရှေ့တောင်အာရှမှာ ကိုဗစ်ဒဏ်ကို ဆိုးဆိုးရွားရွား ခံစားရတဲ့နိုင်ငံလည်း ဖြစ်ပါတယ်။

ဂျကာတာအခြေစိုက် ဇီ၀ဗဗေဒအသင်း Eijkman Institute for Molecular Biology ရဲ့ ဒါရိုက်တာ အေမင် ဆိုဘန်ဒရီယိုက လူတွေနဲ့ အများဆုံးထိတွေ့ဆက်ဆံရတဲ့ လူငယ်တွေကို ဦးစားပေး ထိုးပေးခြင်းအားဖြင့် ကျန်တဲ့လူတွေကိုပါ ကာကွယ်ပြီး ဖြစ်လိမ့်မယ်လို့ ပြောကြားခဲ့ပါတယ်။

လူဦးရေ ၂၆၈ သန်းရှိတဲ့ အင်ဒိုနီးရှားအနေနဲ့ တရုတ်ထုတ် Sinovac ကာကွယ်ဆေးအပြင်၊ ယူကေနဲ့ အမေရိကန်ထုတ် ကာကွယ်ဆေးတွေကိုလည်း မှာယူထားပါတယ်။ ဒါ့အပြင် ပြည်တွင်းဖြစ် ကိုဗစ်ကာကွယ်ဆေး Merah Putih ကိုလည်း အင်ဒိုနီးရှားက ထုတ်လုပ်နေပါတယ်။

Ref: Alarabiya