အမေရိကန်က အကြီးဆုံးရန်သူဟု မြောက်ကိုရီးယားပြော

ဇန်နဝါရီ ၉၊ ၂၀၂၁
M-Media

-အမေရိကန်ဟာ မိမိတို့ရဲ့ အကြီးမားဆုံးရန်သူ ဖြစ်တယ်လို့ မြောက်ကိုရီးယားခေါင်းဆောင် ကင်ဂျုံအွန်က ပြောကြားလိုက်ပါတယ်။

သမ္မတသစ် ဂျိုးဘိုင်ဒန် အာဏာရယူဖို့ နှစ်ပတ်အလိုမှာ ကင်ဂျုံအွန်ထံက ဒီမှတ်ချက် ထွက်ပေါ်လာတာပါ။ ထရမ့်လက်ထက်မှာ ကင်နဲ့ ထရမ့်တို့ဟာ စကားလုံးတိုက်ပွဲတွေ ဆင်နွှဲခဲ့ကြသလို၊ တွေ့ဆုံဆွေးနွေးမှုတွေ ရှိခဲ့ပေမယ့် ထင်သာမြင်သာတဲ့ တိုးတက်မှုမျိုး မရှိခဲ့ပါဘူး။

“ကျွန်တော်တို့ရဲ့ နိုင်ငံရေး ဆောင်ရွက်မှုတွေဟာ အမေရိကန်ရဲ့ နိုင်စားမှုကို အာရုံစိုက်ပြီး တန်ပြန်တာမျိုး ဖြစ်ရမှာပါ။ အမေရိကန်ဟာ ကျွန်တော်တို့ရဲ့ အကြီးဆုံးရန်သူ ကျွန်တော်တို့ရဲ့ တီထွင်ဆန်းသစ်မှုအတွက် အဓိက အဟန့်အတား ဖြစ်ပါတယ်” လို့ ကင်ဂျုံအွန်ရဲ့ ပြောကြားမှုကို မြောက်ကိုရီးယား နိုင်ငံပိုင်သတင်းဌာန KCNA က ဖော်ပြခဲ့ပါတယ်။

အမေရိကန်မှာ ဘယ်သူပဲအာဏာရရ မြောက်ကိုရီးယားနဲ့ပတ်သက်တဲ့ ခြေခံမူဝါဒက ဘယ်တော့မှာ ပြောင်းလဲမှာမဟုတ်ဘူးလို့လည်း ကင်က ထည့်သွင်း ပြောဆိုခဲ့ပါတယ်။

အမေရိကန်ကတော့ ကင်ရဲ့ ဒီမှတ်ချက်အတွက် တုန့်ပြန်တာမျိုး မလုပ်သေးပါဘူး။

အမေရိကန်ရဲ့ ကျူးကျော်မှုကို ကာကွယ်ဖို့ဆိုတဲ့ ခေါင်းစဉ်နဲ့လုပ်ဆောင်တဲ့ မြောက်ကိုရီးယားရဲ့ နျူလက်နက်စီမံကိန်း တိုက်ချင်းပစ်ဒုံးကျည် စီမံကိန်းတွေဟာ ​ကင်ဂျုံအွန်လက်ထက်မှာ သိသိသာသာ တိုးတက်လာခဲ့ပါတယ်။

အခုတစ်ပတ် အာဏာရအလုပ်သမားပါတီရဲ့ ညီလာခံမှာ ကင်က နျူကလီးယားစွမ်းအင်သုံး ရေငုပ်သင်္ဘော သုသေတနလုပ်ငန်း ပြီးဆုံးခဲ့ပြီး နောက်ဆုံးအဆင့် ပြန်လည်သုံးသပ်မှုလုပ်ငန်းစဉ်ကို ရောက်ရှိနေပြီလို့ ပြောကြားခဲ့ပါတယ်။

မြောက်ကိုရီးယားအနေနဲ့ နျူကလီးယား နည်းပညာ ပိုမိုတိုးတက်အောင်၊ ပစ်မှတ်တွေအလိုက် အသေးစားနဲ့ အလတ်စား နျူထိပ်ဖူးတွေ ရရှိအောင် လုပ်ဆောင်သွားရမယ်လို့လည်း ကင်က ဆိုပါတယ်။

တိုင်းပြည်စီးပွားရေးကို လွတ်လပ်​တဲ့ စီးပွားရေးဖြစ်အောင် ဖော်ဆောင်ရေး ၅ နှစ်တာစီမံကိန်းတွေကိုလည်း ဒီကွန်ဂရက်မှာ ကင်က တင်ပြခဲ့ပါတယ်။

Ref: Aljazeera