ဖမ်းထားသည့် ဩစတေးလျနိုင်ငံသား ၂ ဦးကို စစ်ကောင်စီက ပြန်လွှတ်ပေး

ဧပြီ ၅၊ ၂၀၂၁
M-Media

-ပြီးခဲ့တဲ့လက ဖမ်းဆီးထားတဲ့ ဩစတေးလျနိုင်ငံသား ဇနီးမောင်နှံ ၂ ဦးကို စစ်ကောင်စီက ပြန်လွှတ်ပေးလိုက်တယ်လို့ သိရပါတယ်။

မက်သယူး အိုကိန်းနဲ့ ခရစ္စတာ အဗီရီတို့ဖြစ်ပြီး ရန်ကုန်မှာ စီးပွားရေးအကြံပေးလုပ်ငန်းတစ်ခုကို ထူထောင် လုပ်ကိုင်နေသူတွေ ဖြစ်ပါတယ်။ မတ်လအတွင်း ကယ်ဆယ်ရေးလေယာဉ်နဲ့ ဩစတေးလျနိုင်ငံကို ပြန်ဖို့ စီစဉ်နေချိန်မှာ စစ်ကောင်စီက ဖမ်းဆီးပြီး နေအိမ်အကျယ်ချုပ် ချလိုက်တာပါ။

ဩစတေးလျအစိုးရ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက ဒီဇနီးမောင်နှံ ပြန်လွတ်လာတာကို ကြိုဆိုတယ်လို့ ပြောကြားခဲ့ပြီး သူတို့ ဖမ်းဆီးခံနေရစဉ်အတွင်းမှာလည်း အကူအညီပေးခဲ့တယ်လို့ ဆိုပါတယ်။

“ပြန်လွတ်လာပြီး ခင်ပွန်းနဲ့အတူ အိမ်ပြန်ရတော့မှာ ဖြစ်တဲ့အတွက် တကယ့်ကို စိတ်သက်သာရာ ရခဲ့ပါတယ်။ ဘာအမှားမှ မလုပ်ထားဘူးဆိုတာ ကျွန်မကိုယ်ကျွန်မ သိပေမယ့် ၂ ပတ်လောက် နေအိမ်အကျယ်ချုပ် နေရတာ တော့်တော့်ကို စိတ်ဖိစီးမှု ဖြစ်ခဲ့ပါတယ်” လို့ အဗီရီက ပြောကြားခဲ့ပါတယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ စီးပွားရေးအကြံပေးဖြစ်တဲ့ ရှောင်တာနဲလ်ကတော့ လက်ရှိအချိန်အထိ ဖမ်းဆီးခံထားရဆဲ ဖြစ်ပါတယ်။

ဒီကိစ္စတွေကြောင့် ဩစတေးလျဟာ မြန်မာစစ်တပ်နဲ့ ပူးပေါင်းဆောင်ရွက်မှုတွေ ရပ်ဆိုင်းခဲ့သလို နိုင်ငံသားတွေအနေနဲ့ မြန်မာနိုင်ငံကနေ ထွက်ခွာဖို့အတွက်လည်း ညွှန်ကြားခဲ့ပါတယ်။

Ref: Reuters