မြန်မာနိုင်ငံတွင် ဒီမိုကရေစီထွန်းကားရေးအတွက် ဥရောပသမဂ္ဂက ကူညီရန် အသင့်ရှိနေ

ဧပြီ ၃၀၊ ၂၀၂၁
M-Media

-မြန်မာနိုင်ငံမှာ ဒီမိုကရေစီ ပြန်လည်ထွန်းကားရေးအတွက် သက်ဆိုင်တဲ့ အဖွဲ့အစည်းတွေအားလုံးကို ကူညီထောက်ပံ့ပေးသွားဖို့ အဆင်သင့်ရှိနေတယ်လို ဥရောပသမဂ္ဂက ဒီကနေ့မှာ ပြောကြားလိုက်ပါတယ်။

မြန်မာ့အရေးနဲ့ပတ်သက်ပြီး အာဆီယံထိပ်သီးအစည်းအဝေးကို ပြီးခဲ့တဲ့တစ်ပတ်က ကျင်းပခဲ့ပြီး အကြမ်းဖက်မှု ချက်ခြင်းရပ်တန့်ရေးအပါအဝင် အချက် ၅ ချက်ကို မြန်မာအာဏာသိမ်းစစ်ခေါင်းဆောင်နဲ့ သဘောတူညီချက် ရခဲ့တယ်လို့ ထုတ်ပြန်ပါတယ်။

ဒီကနေ့ ဥရောပ သမဂ္ဂ နိုင်ငံခြားရေးဆိုင်ရာ အကြီးအကဲရဲ့ ထုတ်ပြန်ချက်မှာ မြန်မာ့အရေး အာဆီယံရဲ့ ကြိုးပမ်းမှုကို ထောက်ခံအားပေးတယ်လို့ ဖော်ပြထားပါတယ်။

“မြန်မာနိုင်ငံ ဒီမိုကရေစီလမ်းကြောင်းပေါ် ပြန်ရောက်ရေး အဓိကကျတဲ့ သက်ဆိုင်သူတွေအားလုံးနဲ့ အပြုသဘောဆောင်တဲ့ ဆွေးနွေးမှုကို အာဆီယံက ဆောင်ရွက်ရာမှာ ဥရောပသမဂ္ဂက ကူညီဖို့ အဆင်သင့်ရှိနေပါတယ်”

Ref: Reuters