အင်ဒိုနီးရှားတွင် အုပ်စုဖွဲ့ ဆဲလ်ဖီရိုက်ရန် ကြိုးစားရာမှ လှေမှောက်သေဆုံးမှု ဖြစ်ပွား

မေ ၁၆၊ ၂၀၂၁
M-Media

-အင်ဒိုနီရှားက ဘေးမဲ့တောတစ်ခုမှာ အုပ်စုလိုက် ဆဲလ်ဖီရိုက်ဖို့ ကြိုးစားရာကနေ လှေမှောက်သွားတဲ့အတွက် အနည်းဆုံး လူ ၇ ဦး သေဆုံးခဲ့ပါတယ်။

ဂျာဗားကျွန်းက ဘေးမဲ့တောမှာ မနေ့က ခရီးသွား ၂၀ လောက် လှေတစ်စီးနဲ့ လှည့်လည်ကြည့်ရှုစဥ် လှေအစွန်းမှာ လူအားလုံး အဖွဲ့လိုက် ဆဲလ်ဖီရိုက်ဖို့ လုပ်ရာကနေ ဟန်ချက်ပျက် လှေမှောက်သွားတာ ဖြစ်ပါတယ်။

ရဲတပ်ဖွဲ့ကတော့ လှေဟာ သတ်မှတ်လူထက် ပိုတင်ခဲ့ပြီး လှေမောင်းသူကလည်း အသက် ၁၃ နှစ်လောက်သာ ရှိသေးတယ်လို့ ပြောကြားခဲ့ပါတယ်။

ဒီအဖြစ်အပျက်အတွင်း ၁၁ ဦးကို ကယ်တင်နိုင်ခဲ့ပြီး ၇ ဦးသေဆုံးကာ ၂ ဦး ပျောက်ဆုံးနေတယ်လို့ အာဏာပိုင်တွေက ထုတ်ပြန်ပါတယ်။

လှေခရီးစဥ်ကို စီစဥ်ခဲ့သူတွေ တာ၀န်မဲ့ခဲ့လားဆိုတာ စုံစမ်းစစ်ဆေးနေတယ်လို့ ရဲတပ်ဖွဲ့က ပြောပါတယ်။

Ref: AFP