အိန္ဒိယမှ ကူးစက်မြန်ပုံပြောင်းကိုဗစ်​ ထိုင်းပြည်တွင်းတွင် ပထမဆုံးကူးစက်

မေ ၂၁၊ ၂၀၂၁
M-Media

-အိန္ဒိယမှာအကြီးအကျယ် ကူးစက်ပြန့်နှံနေတဲ့ ကိုဗစ်ပုံပြောင်းဗိုင်းရပ်စ် ပြည်တွင်းမှာ ကူးစက်တာကို ပထမဆုံးတွေ့ရှိခဲ့တယ်လို့ ထိုင်းနိုင်ငံက ဒီကနေ့မှာ ထုတ်ပြန်ပါတယ်။

ဘန်ကောက်မြို့ ဆောက်လုပ်ရေးလုပ်သားတွေနေတဲ့ နေရာတစ်ခုမှာ လူ ၃၆ ဦး ပုံပြောင်းဗိုင်းရပ်စ် ကူးစက်နေတာကို တွေ့ရတာပါ။ ထိုင်း ၂၁ ဦး၊ မြန်မာ ၁၀ ဦးနဲ့ ကမ္ဘောဒီးယားက ၅ ဦးတို့ ဖြစ်ပါတယ်။ လတ်တလော ကိုဗစ်ကူးစက်မှုတွေကို ဆောက်လုပ်ရေးလုပ်သားတွေယာယီနေထိုင်တဲ့ နေရာတွေမှာ အများဆုံးတွေ့နေရတာဖြစ်ပါတယ်။

အိန္ဒိယ၊ ပါကစ္စတန်၊ ဘင်္ဂလားဒေ့ရှ်နဲ့ နီပေါနိုင်ငံတွေက ထိုင်းနိုင်ငံသားမဟုတ်သူတွေ ဝင်ရောက်မှုကို ထိုင်းအစိုးရက တားမြစ်ပိတ်ပင်ထားတာပါ။

ဒီကနေ့ထိုင်းနိုင်ငံမှာ ကိုဗစ်ကူးစက်သူ ၃၄၈၁ ဦးရှိပြီး၊ ၃၂ ဦး သေဆုံးခဲ့ပါတယ်။ ကိုဗစ်ပြန့်နှံ့မှုကို ထိန်းချုပ်နိုင်ဖို့အတွက် နိုင်ငံတစ်ဝှမ်း အရေးပေါ်အခြေအနေကို ဇူလိုင်လကုန်အထိ ထိုင်းအစိုးရက သက်တမ်းတိုးထားပါတယ်။

ထိုင်းဟာ ဇွန်လ ၇ ရက်နေ့ကစပြီး ကိုဗစ်ကာကွယ်ဆေးထိုးခြင်းလုပ်ငန်းကို လုပ်ဆောင်မှာပါ။ အခုနှစ်ကုန်ရင် နိုင်ငံမှာရှိနေတဲ့ လူဦးရေရဲ့ ၇၀ ရာခိုင်နှုန်းဖြစ်တဲ့ သန်း ၇၀ ကို ကာကွယ်ဆေးထိုးပေးနိုင်ဖို့ ရည်ရွယ်ထားပါတယ်။

Ref: AP