အဓမ္မလုပ်အားခိုင်းစေသည့် တရုတ်ငါးဖမ်းကုမ္ပဏီတစ်ခုကို အမေရိကန်က တင်သွင်းခွင့်ပိတ်

မေ ၂၉၊ ၂၀၂၁
M-Media

-အဓမ္မလုပ်အားခိုင်းစေတဲ့ တရုတ်ငါးဖမ်းသင်္ဘောတွေက ပင်လယ်စာတင်သွင်းခွင့် ပိတ်ပင်လိုက်တယ်လို့ အမေရိကန် အကောက်ခွန်နဲ့ နယ်စပ်ရေးရာဌာနက မနေ့မှာ ထုတ်ပြန်ပါတယ်။

ငါးဖမ်းသင်္ဘေဘာ ၃၂ စီးနဲ့ ပင်လယ်စာတင်ပို့မှုလုပ်ငန်း လုပ်နေတဲ့ Dalian Ocean Fishing ကို တင်သွင်းခွင့် ပိတ်လိုက်တာပါ။ ရေထွက်ပစ္စည်းတွေအပြင် ငါးသေတ္တာဘူးတွေနဲ့ အိမ်မွေးတိရစ္ဆာန်စာတွေလို ကုန်ချော ပစ္စည်းတွေလည်း ပိတ်ပင်မှုမှာ ပါဝင်ပါတယ်။

အရင်က ငါးဖမ်းသင်္ဘောတစ်ခုချင်းစီကိုသာ ပိတ်ပင်လေ့ရှိပေမယ့် ငါးဖမ်းလုပ်ငန်းတစ်ခုလုံးကို ပိတ်ပင်တာဟာ ဒါ ပထမဆုံးဖြစ်တယ်လို့ အမေရိကန် ပြည်ထဲရေးဝန်ကြီး အလက်ဂျန်ဒရို မာယော်ကက်စ်က ပြောပါတယ်။

Dalian Ocean Fishing လုပ်ငန်းက ပိုင်ဆိုင်တဲ့ ငါးဖမ်းသင်္ဘောတွေပေါ်မှာ အင်ဒိုနီးရှားလုပ်သားတွေဟာ ကိုယ်ထိလက်ရောက် အကြမ်းဖက်ခံရမှု၊ လုပ်ခလစာမရရှိမှု၊ အကြွေးနွံနစ်မှု၊ ဆိုးရွားတဲ့ အခြေအနေမှာ နေထိုင်လုပ်ကိုင်ရမှု စတာတွေကို ကြုံတွေ့နေတယ်ဆိုတာ စုံစမ်းမှုတွေအရ သိရှိရတယ်လို့ အမေရိကန် အကောက်ခွန်ဌာနက ပြောပါတယ်။

အမေရိကန်အစိုးရ ပြောရေးဆိုခွင့်ရှိသူ နဒ်ပရိုက်စ်က ကိုယ်ကျိုးအတွက် လူတွေကို ခေါင်းပုံဖြတ်အမြတ်ထုတ်ကာ အဓမ္မလုပ်အားခိုင်းစေသူတွေကို အရေးယူဖို့၊ အသံထွက်ခွင့်မရသူတွေရဲ့ အသံကို ကြားအောင်နားထောင်ကာ သူတို့ကိုကာကွယ်ပေးဖို့ ပိုမိုအားထုတ်လုပ်ဆောင်သွားမယ်လို့ ပြောကြားခဲ့ပါတယ်။

Ref: Aljazeera