အိန္ဒိယတွင် မိုးကြိုးပစ်မှုကြောင့် လူ ၄၀ နီးပါး သေဆုံး

ဇူလိုင် ၁၄၊ ၂၀၂၁
M-Media

-အိန္ဒိယနိုင်ငံမှာ တနင်္ဂနွေနဲ့ တနင်္လာနေ့တွေက မိုးကြိုးပစ်မှုကြောင့် နိုင်ငံတစ်ဝှမ်း အနည်းဆုံး ၃၈ ဦး သေဆုံးခဲ့ပါတယ်။

သေဆုံးမှုအများစုဟာ နိုင်ငံအနောက်ပိုင်း ရာဂျက်စသန်ပြည်နယ်မှာ ဖြစ်ပွားခဲ့တာဖြစ်ပြီး စုစုပေါင်း လူ ၂၀ သေဆုံးခဲ့ပါတယ်။

​ခရီးသွားတွေ စိတ်ဝင်စားတဲ့ ၂၀ ရာစု ရှေးဟောင်းခံတပ်တစ်ခုက ကင်းမျှော်စင်အနီးမှာ လူ ၁၁ ဦးသေဆုံးခဲ့ပြီး အဲဒီအထဲကတစ်ချို့ဟာ ဆဲလ်ဖီရိုက်နေစဉ် မိုးကြိုးပစ်ခံခဲ့ရတာ ဖြစ်ပါတယ်။

ရာဂျက်စသန်ပြည်နယ်က အခြားနေရာတွေမှာလည်း မိုးကြိုးပစ်မှုကြောင့် အနည်းဆုံး နောက်ထပ် လူ ၉ ဦးသေဆုံးပြီး ၂၀ နီးပါး ဒဏ်ရာရခဲ့ပါတယ်။

အူတာပရာဒက်ရှ်ပြည်နယ်မှာ မိုးကြိုးကြောင့် ၁၈ ဦးသေဆုံးခဲ့ပြီး အများစုဟာ ကွင်းပြင်းတွေမှာ အလုပ်လုပ်နေကြတဲ့ လယ်သမားတွေဖြစ်ပါတယ်။

ကျန်ရစ်သူမိသားစုနဲ့ ထိခိုက်ဒဏ်ရာရသူတွေကို ထောက်ပံ့ကြေးတွေ ပေးထားတယ်လို့ ပြည်နယ်အစိုးရတွေက ထုတ်ပြန်ပါတယ်။ အိန္ဒိယ မိုးလေဝသဌာနက နောက်ထပ် ၂ ရက်အတွင်း နိုင်ငံတစ်ဝှမ်း မိုးကြိုးပစ်မှုတွေ ဖြစ်နိုင်တယ်လို့ ထုတ်ပြန်ထားပါတယ်။

အိန္ဒိယမှာ မိုးတွင်းရောက်ရင် မိုးကြိုးပစ်မှုကြောင့် လူအမြောက်အများသေဆုံးမှု ဖြစ်ပွားတတ်ပြီး ၂၀၁၉ ခုနှစ်မှာ နိုင်ငံတစ်ဝှမ်း မိုးကြိုးကြောင့် လူ ၂၉၀၀ ကျော် သေဆုံးခဲ့ပါတယ်။

Ref: Aljazeera