ဆော်ဒီ-အီရန် ပြန်လည်သင့်မြတ်မှုကို လာမယ့်သီတင်းပတ်အတွင်း တွေ့ရဖွယ်ရှိ

ဇူလိုင် ၃၁၊ ၂၀၂၁

M-Media 

-အရှေ့အလယ်ပိုင်း ရန်ဘက်နိုင်ငံတွေဖြစ်ကြတဲ့ ဆော်ဒီအာရေဗျနဲ့ အီရန်တို့အကြား ပြန်လည်သင့်မြတ်မယ့် အခင်းအကျင်းအသစ်တစ်ခုကို လာမယ့်တစ်ပတ်အတွင်း မြင်တွေ့ရဖွယ်ရှိတယ်လို့ ဒေသတွင်း မီဒီယာ​တွေက ဖော်ပြပါတယ်။ 

ဆော်ဒီက ရှီအာဘာသာရေးခေါင်းဆောင်တစ်ဦးကို ကွပ်မျက်လိုက်တဲ့ကိစ္စ နောက်ဆက်တွဲ အီရန်မြို့တော် တီဟီရန်က ဆော်ဒီကောင်စစ်ဝန်ရုံးကို ဆန္ဒပြသူတွေ ဝင်ရောက်စီးနင်းခဲ့တဲ့ ၂၀၁၆ ခုနှစ်ကတည်းက ဆော်ဒီနဲ့ အီရန်တို့အကြား သံတမန်ဆက်ဆံရေး အဆုံးသတ်သွားတာပါ။

ဒါပေမယ့် အခုနှစ် ဧပြီလကစလို့ နှစ်နိုင်ငံ ဆက်ဆံရေးပြန်လည်တည်ဆောက်ဖို့ ကြိုးစားခဲ့ကြပြီး ဒီကိစ္စမှာ အီရတ်က ကြားဝင်စေ့စပ်ပေးနေပါတယ်။ ဒီဆွေးနွေးမှုရဲ့ အသီးအပွင့်ကို ​လာမယ့်တစ်ပတ်အတွင်း တွေ့မြင်ရဖွယ် ရှိပါတယ်။

အီရန်သမ္မတသစ် အီဘရာဟင် ရိုင်စီရဲ့ ဩဂုတ်လ ၅ ရက်နေ့မှာ ကျင်းပမယ့် ကျမ်းကျိန်ပွဲ အခမ်းအနားကို ကိုစားလှယ်အဖွဲ့တစ်ခု စေလွှတ်ဖို့ ဆော်ဒီက သတင်စကားပါးထားကြောင်း အီရန်မီဒီယာတွေက ဖော်ပြပါတယ်။ ရိုင်စီဟာ ဇွန်လ ၂၁ ရက်နေ့မှာလုပ်တဲ့ ပထမဆုံး သတင်းစာရှင်းလင်းပွဲမှာ အတိတ်က အဖြစ်အပျက်တွေကို သင်ပုန်းချေပြီး ဆော်ဒီနဲ့ ဆက်ဆံရေး ပြန်လည်ထူထောင်သွားမယ်လို့ ပြောကြားခဲ့ပါတယ်။ 

ဆော်ဒီအာရဗျနဲ့ အီရန်တို့ဟာ ဒေသတွင်း ပဋိပက္ခတွေမှာ ဆန့်ကျင်ဖက်အဖွဲ့တွေကို ထောက်ခံအားပေးနေကြပါတယ်။

အရှေ့အလယ်ပိုင်းက ရန်ဖက်နှစ်နိုင်ငံ အခုလို ပြန်လည်သင့်မြတ်တာဟာ ဒေသတွင်းက ပြဿနာတွေအပေါ် သိသိသာသာ အကျိုးသက်ရောက်မှုရှိနိုင်ပြီး၊ အာရပ်နိုင်ငံတွေကို Abraham Accords နဲ့ သိမ်းသွင်းကာ အီရန်ကို ရင်ဆိုင်ဖို့ ကြိုးစားနေတဲ့ အစ္စရေးအတွက် ထိုးနှက်မှုတစ်ခု ဖြစ်လာလိမ့်မယ်လို့ ကျွမ်းကျင်သူတွေက သုံးသပ်ပါတယ်။ 

Ref : Asia Times