တရုတ်နိုင်ငံ ၀ူဟန်မြို့ကို ကိုဗစ် ပြန်ရောက်လာ

ဩဂုတ် ၃၊ ၂၀၂၁
M-Media

-တစ်နှစ်ကျော်အတွင်း ပထမဆုံးအကြိမ် ဒေသတွင်း ကိုဗစ်ကူးစက်မှု ပြန်ဖြစ်လာတာကြောင့် ၀ူဟန်မြို့ကလူတွေ အားလုံးကို စစ်ဆေးသွားမယ်လို့ တရုတ်အာဏာပိုင်တွေက ထုတ်ပြန်ပါတယ်။

လူဦးရေ ၁၁ သန်းရှိတဲ့ ၀ူဟန်မြို့ဟာ ကမ္ဘာတစ်ဝှမ်း လူ​သန်းချီ ကူးစက်သေဆုံးတဲ့ ကိုရိုနာဗိုင်းရပ်စ် သန္ဓေတည်ပေါက်ဖွားရာဒေသ ဖြစ်ပါတယ်။

တနင်္လာနေ့က ရွှေ့ပြောင်းလုပ်သားတွေကြားထဲမှာ ဒေသတွင်းကူးစက်မှု ၇ ခုကို တွေ့ခဲ့ရပြီးတဲ့နောက် အာဏာပိုင်တွေက တစ်မြို့လုံးကို ကိုဗစ်စစ်ဖို့ စီစဉ်ခဲ့တာ ဖြစ်ပါတယ်။ နိုင်ငံအတွင်း အနည်းဆုံး ပြည်နယ် ၁၅ ခုမှာလည်း ပုံပြောင်းကိုဗစ် Delta ကူးစက်မှုကို ပြီးခဲ့တဲ့လက စတင် ခံစားနေရပါတယ်။

တရုတ်အာဏာပိုင်တွေဟာ ဘေဂျင်းအပါအဝင် မြို့ကြီးတစ်ချို့ကို လော့ဒေါင်းချတာ၊ အသွားအလာကန့်သတ်တာ၊ နှာခေါင်းတို့ဖတ် စစ်ဆေးတာတွေ လုပ်ဆောင်နေပါတယ်။

Ref : CNA