အာဖဂန်တွင် တာလီဘန်ကလက်ထဲကျသွားသည့် ပြည်နယ်မြို့တော် ၆ ခုအထိ ရှိလာ

ဩဂုတ် ၁၀၊ ၂၀၂၁

M-Media 

– အာဖဂန်နစ္စတန်မြောက်ပိုင်း ဆာမန်ဂန်ပြည်နယ်မြို့တော် အိုင်ဘက်ကို သိမ်းပိုက်နိုင်ခဲ့ကြောင်း တာလီဘန်အဖွဲ့က မနေ့မှာ ကြေငြာခဲ့ပြီး ဒါဟာ တစ်ပတ်အတွင်း ပြည်နယ်မြို့တော် ၅ ခုအထိ တာလီဘန်က သိမ်းနိုင်ခဲ့တာ ဖြစ်ပါတယ်။

ဆာမန်ဂန် ဒုတိယပြည်နယ်အုပ်ချုပ်ရေးမှူးက အေဘက်မြို့ တာလီဘန်လက်ထဲကျသွားကြောင်း အတည်ပြုခဲ့ပါတယ်။ တာလီဘန်ပြောရေးဆိုခွင့်ရှိသူရဲ့ Twitter ပို့စ်မှာ သူတို့ အဖွဲ့ဝင်တွေဟာ ပြည်နယ်အုပ်ချုပ်ရေးမှူးနေအိမ်၊ ထောက်လှမ်းရေးရုံး၊ ရဲဌာနချုပ်နဲ့ မြို့တွင်းက အခြား အစိုးရအဆောက်အဦးတွေကို ရှင်းလင်းနိုင်ခဲ့တယ်လို့ ရေးသားထားပါတယ်။

အေဘက်မြို့ဟာ ပြီးခဲ့တဲ့တစ်ပတ်အတွင်း တာလီဘန်လက်ထဲကို ကျရောက်ခဲ့တဲ့ ၅ ခုမြောက် ပြည်နယ်မြို့တော်ဖြစ်ပါတယ်။ အမေရိကန်ဦးဆောင်တဲ့ နိုင်ငံခြားတပ်တွေ ဆုတ်ခွာနေတာကို အခွင့်ကောင်းယူပြီး တာလီဘန်က ထိုးစစ်ဆင်ရာမှာ အစပိုင်းက အစွန်းအဖျားဒေသတွေကိုသာ သိမ်းပိုက်နိုင်ခဲ့ပေမယ့် အခုအချိန်မှာတော့ ပြည်နယ်မြို့တော် ၆ ခုအထိ တာလီဘန်က သိမ်းထားနိုင်ပါတယ်။ 

နိုင်မြောက်ပိုင်းက အကြီးဆုံးမြို့ဖြစ်တဲ့ မာဇာရ်-အီ-ရှရစ်ဖ်ကို သိမ်းနိုင်ဖို့ ကြိုးစားနေတယ်လို့ တာလီဘန်အဖွဲ့က ထုတ်ပြန်ထားပါတယ်။

အာဖဂန်နစ္စတန် အစိုးရက တာလီဘန်လက်ထဲကနေ မြို့တွေကို ပြန်သိမ်းဖို့ ပြင်ဆင်နေတယ်လို့ ပြောပါတယ်။ တိုက်ခိုက်မှုတွေကြောင့် အရပ်သားတွေ ထိခိုက်သေဆုံးတာတွေ ရှိနေပါတယ်။ 

Ref: Aljazeera