Facebook
ဩဂုတ် ၂၆၊ ၂၀၂၁
M-Media
-စစ်ကောင်စီတပ်က ဝယ်ယူထားတဲ့ Pantsir လေကြောင်းရန် ကာကွယ်ရေးစနစ်ကို သဘောတူညီချက်မှာပါတဲ့ အချိန်အတိုင်း ပေးပို့သွားမယ်လို့ ရုရှားက ပြောကြားလိုက်ပါတယ်။
လေယာဉ်တွေ၊ ဒုံးကျည်တွေနဲ့ ဒရုန်းလေယာဉ်တွေကို ပစ်ချနိုင်တဲ့ Pantsir လေကြောင်းရန် ကာကွယ်ရေးစနစ်ကို ဝယ်ယူဖို့အတွက် မြန်မာစစ်တပ်ဟာ အာဏာမသိမ်းခင် ဇန်နဝါရီလက ရုရှားနဲ့ သဘောတူညီခဲ့တာပါ။
တိုင်းပြည်အတွင်း အကြမ်းဖက်မှုတွေ ကျူးလွန်နေတဲ့ စစ်ကောင်စီတပ်ကို လက်နက်ရောင်းချမှု ပိတ်ပင်ရေး နိုင်ငံတကာအသိုင်းအ၀ိုင်းက တိုက်တွန်းဆော်ဩနေပေမယ့် ရုရှား စစ်ဖက်နည်းပညာ ပူးပေါင်းဆောင်ရွက်ရေးအဖွဲ့ အကြီးအကဲက စာချုပ်ပါအတိုင်း မြန်မာစစ်တပ်ထံ Pantsir ဒုံးခွင်းစနစ်တွေ ပို့ပေးသွားမယ်လို့ မနေ့က ပြောကြားခဲ့ပါတယ်။
ရုရှားဟာ မြန်မာနိုင်ငံက စစ်အာဏာသိမ်းမှုကို လူသိရှင်ကြား ထောက်ခံထားပြီး မြန်မာဟာ သူတို့အတွက် မဟာဗျူဟာကျတဲ့ မိတ်ဖက်နိုင်ငံဖြစ်ကြောင်း၊ မြန်မာစစ်တပ်နဲ့ ပူးပေါင်းဆောင်ရွက်မှု တိုးမြှင့်သွားမှာဖြစ်ကြောင်း ထုတ်ပြန်ထားပါတယ်။
Ref: Reuters
M-Media on Twitter
M-Media Tube
Comments