အာဖဂန်နစ္စတန်ကို အမေရိကန်က နှစ်ပေါင်း ၂၀ ကျူးကျော်မှု အဆုံးသတ်ပြီ

ဩဂုတ် ၃၁၊ ၂၀၂၁
M-Media

-အာဖဂနစ္စတန်နိုင်ငံမှာရှိနေတဲ့ နောက်ဆုံးအသုတ်စစ်သားတွေ မြို့တော် ကာဘူးလ်ကနေ မနေ့က ဆုတ်ခွာခဲ့ပြီလို့ အမေရိကန်က ထုတ်ပြန်ပါတယ်။

ဒါဟာ ၂၀၁၁ ခုနှစ် စက်တင်ဘာ ၁၁ နောက်ပိုင်း အာဖဂန်နစ္စတန်ကို အမေရိကန်က ကျူးကျော်တိုက်ခိုက်မှု နှစ်ပေါင်း ၂၀ ကြာမြင့်ပြီးတဲ့နောက် အဆုံးသတ်သွားတာလည်း ဖြစ်ပါတယ်။ အမေရိကန်သမ္မတ ဂျိုးဘိုင်ဒန်ဟာ ဩဂုတ်လ ၃၁ ရက်နေ့ နောက်ဆုံးထားပြီး အမေရိကန်တပ်ဖွဲ့အားလုံး အာဖဂန်ကနေ ဆုတ်ခွာမယ်လို့ အခုနှစ်အစောပိုင်းက ကြေငြာခဲ့တာပါ။

C-17 စစ်ဖက် ပို့ဆောင်ရေးလေယာဉ်ဟာ နောက်ဆုံးအသုတ် အမေရိကန်စစ်သားတွေကို တင်ဆောင်ကာ ဩဂုတ်လ ၃၀ ရက်နေ့ ည သန်းခေါင်ယံမတိုင်ခင် ၁ မိနစ်အလိုမှာ ကာဘူးလ်မြို့ ဟာမစ်ကာဇိုင်း လေဆိပ်ကနေ ထွက်ခွာသွားတာ ဖြစ်ပါတယ်။

အဲဒီနောက် တာလီဘန်က တိုင်းပြည် အပြည့်အ၀လွတ်မြောက်ကြောင်း ကြေငြာခဲ့ပြီး ကာဘူးလ်မြို့မှာ သေနတ်တွေ ပစ်ဖေါက်ကာ အောင်ပွဲခံခဲ့ကြပါတယ်။

အာဖဂန်နစ္စတန်မှာ အမေရိကန်နိုင်ငံသားတွေ၊ တိုင်းပြည်ကထွက်ခွာလိုတဲ့ အာဖဂန်ပြည်သူတွေ ကျန်နေပြီး ဒီအတွက် အမေရိကန်အစိုးရအစီအစဉ်နဲ့ ပြန်လည်ခေါ်ယူမှာ ဖြစ်ပါတယ်။

Ref: Aljazeera