နိုင်ငံရေးလောကမှ အနားယူမည်ဖြစ်ကြောင်း ဖိလစ်ပိုင်သမ္မတ ကြေငြာ

အောက်တိုဘာ ၃၊ ၂၀၂၁
M-Media

-လာမယ့် သမ္မတရွေးကောက်ပွဲမှာ ဝင်ရောက်ယှဉ်ပြိုင်မှာမဟုတ်ဘဲ လက်ရှိသက်တမ်းပြီးရင် နိုင်ငံရေးကနေ အနားယူတော့မယ်လို့ ဖိလစ်ပိုင်သမ္မတ ရော်ဒရီဂို ဒူတာတေးက ကြေငြာလိုက်ပါတယ်။

မနေ့က ဒူတာတေးရဲ့ ဒီကြေငြာချက်ဟာ ရုတ်တရက် ပေါ်ထွက်လာတာ ဖြစ်ပါတယ်။ လာမယ့်ရွေးကောက်ပွဲမှာ ဒုသမ္မတအဖြစ် ဝင်ရောက်အရွေးခံဖို့ ဒူတာတေးက စီစဉ်ထားတာပါ။

ဖိလစ်ပိုင်အခြေခံဥပဒေအရ သမ္မတတွေဟာ ၆ နှစ်သက်တမ်းတစ်ကြိမ်သာ တာဝန်ထမ်းဆောင်ရပြီး၊ ဒုတိယသမ္မတအဖြစ် ဝင်ရောက်အရွေးခံမယ့် ဒူတာတေးရဲ့ ကနဦးအစီအစဉ်ဟာ ဥပဒေနဲ့ ညီရဲ့လားဆိုတာ မေးခွန်းထုတ်သွားမယ်လို့ အတိုက်အခံတွေက ပြောကြားထားပါတယ်။

ဒူတာတေးကတော့ နိုင်ငံရေးလောကကနေ အနားယူသွားမယ်လို့ ဆိုပါတယ်။

“ကျွန်တော် အရည်အချင်းမပြည့်မီတော့ဘူးလို့ ဖိလစ်ပိုင်လူထုကြီးက သဘောထားရှိပါတယ်။ ဒုတိယသမ္မတအဖြစ် ဝင်ရောက်ယှဉ်ပြိုင်မယ်ဆိုရင်လည်း ဥပဒေကို လက်တလုံးခြားလုပ်တာ၊ အခြခံဥပဒေကို ချိုးဖောက်ရာ ကြပါတယ်။ နိုင်ငံကရေးကနေ အနားယူတော့မှာဖြစ်ကြောင်း ဒီကနေ့ ကျွန်တော် ကြေငြာလိုပါတယ်”

ဒူတာတေးရဲ့ ဒီကြေငြာချက်ဟာ သမီးဖြစ်သူ ကာပီယို သမ္မတအဖြစ် ဝင်အရွေးခံနိုင်အောင် လမ်းဖွင့်ပေးတာ ဖြစ်နိင်တယ်ဆိုတဲ့ ပြောကြားမှုတွေ ရှိနေပါတယ်။ ကာပီယိုဟာ ဒူတာအတေးရဲ့ အရင်ရာထူးဖြစ်တဲ့ ဒါဗာအိုမြို့တော်ဝန်နေရာကို ဆက်ခံထားသူပါ။

ကာပီယိုက ၂၀၂၂ သမ္မတရွေးကောက်ပွဲမှာ မိမိ ဝင်ရောက်ယှဉ်ပြိုင်မှာမဟုတ်ဘဲ၊ မိမိတို့နှစ်ယောက်မှာ တစ်ယောက်သာ ဝင်ပြိုင်ဖို့ ဖခင်နဲ့ သဘောတူထားတဲ့အတွက်ဖြစ်တယ်လို့ ပြီးခဲ့တဲ့လမှာ ပြောကြားဖူးပါတယ်။ ဒူတာတေး နိုင်ငံရေးကနေ အနားယူမယ်လို့ ဆိုတာကြောင့် သမ္မတရွေးကောက်ပွဲမှာ ကာပီယို ဝင်ရောက်ယှဉ်ပြိုင်နိုင်တယ်ဆိုတဲ့ ပြောကြားမှု​တွေ မြင့်တက်လာပါတယ်။

Ref: Reuters