ဆူဒန်တွင် အာဏာသိမ်းစစ်တပ်က ဆန္ဒပြပြည်သူကို ပစ်ခတ်သတ်ဖြတ်

အောက်တိုဘာ ၂၆၊ ၂၀၂၁

M-Media

-ဆူဒန်မှာ စစ်အာဏာသိမ်းမှုကို ဆန့်ကျင်တဲ့ ဆန္ဒပြပြည်သူတွေကို စစ်တပ်က ပစ်ခတ်တာကြောင့် အနည်းဆုံး ၇ ဦး သေဆုံးပြီး ၁၄၀ လောက် ဒဏ်ရာရရှိခဲ့ပါတယ်။

ဗိုလ်ချုပ် အဘ်ဒဲလ်ဖာတာ အလ်-ဘူရ်ဟန် ဦးဆောင်တဲ့စစ်တပ်ဟာ အသွင်ပြောင်းအစိုးရရဲ့ ၀န်ကြီးချုပ် အဘ်ဒဲလာ ဟမ်ဒေါ့နဲ့ ၀န်ကြီးတွေကို မနေ့ကမနက်ပိုင်းမှာ ဖမ်းဆီးထိန်းသိမ်းကာ အာဏာသိမ်းလိုက်တာပါ။

၂၀၁၉ ခုနှစ် အာဏာရှင် အိုမာရ် အလ်-ဘရှီးကို ဖြုတ်ချပြီးနောက် စစ်တပ်နဲ့ အရက်ဖက် ပူးပေါင်းဖွဲ့စည်းထားတဲ့ နိုင်ငံတော်ကောင်စီကို ဖျက်သိမ်းကာ နိုင်ငံကို အရေးပေါ်အခြေအနေ ကြေငြာခဲ့ပါတယ်။

ဆူဒန်ပြည်သူတွေက စစ်တပ်ရဲ့ အာဏာသိမ်းမှုကို လမ်းပေါ်ထွက်ကာ အကြီးအကျယ် ဆန္ဒပြနေကြပြီး လုံခြုံရေးတပ်ဖွဲ့တွေရဲ့ အကြမ်းဖက်ပစ်ခတ်မှုကြောင့် သေဆုံး ဒဏ်ရာရမှုတွေလည်း ရှိလာပါတယ်။

အာဏာသိမ်းခေါင်းဆောင် ဗိုလ်ချုပ် အဘ်ဒဲလ်ဖာတာ အလ်-ဘူရ်ဟန်က တိုင်းပြည်လုံခြုံအောင်လုပ်ဖို့ လိုအပ်နေပြီး ၂၀၂၃ ခုနှစ်ဇူလိုင်လမှာ ရွေးကောက်ပွဲကျင်းပပေးကာ ရွေးကောက်ခံအစိုးရထံ အာဏာလွှဲပြောင်းပေးမယ်လို့ ပြောကြားခဲ့ပါတယ်။

Ref : Aljazeera