ဖွံ့ဖြိုးမှု ပြယုဂ်နိုင်ငံဟု ကမ္ဘာ့ဘဏ်အကြီးအကဲက ဘင်္ဂလားဒေ့ရှ်ကို ချီးကျူး

ဒီဇင်ဘာ ၁၀၊ ၂၀၂၁
M-Media

-ဘင်္ဂလားဒေ့ရှ်ဟာ ဖွံ့ဖြိုးတိုးတက်မှုကို အောင်မြင်အောင် လုပ်ဆောင်နိုင်တဲ့ ပြယုဂ်နိုင်ငံဖြစ်တယ်လို့ ကမ္ဘာ့ဘဏ် ဒုတိယဥက္ကဌ ဟာ့တ်ဝစ် ရှာဖာက ချီးကျူးပြောဆိုလိုက်ပါတယ်။

ရှာဖာဟာ ဘင်္ဂလာဒေ့ရှ်နိုင်ငံကို တစ်ပတ်ကြာ သွားရောက်ခဲ့ကာ ဝန်ကြီးချုပ် ရှိခ်ဟာဆီနာ၊ အစိုးရဝန်ကြီးတွေ၊ စီးပွားရေးလုပ်ငန်းရှင်တွေ၊ အရပ်ဖက်အဖွဲ့အစည်းတွေနဲ့ တွေ့ဆုံ ဆွေးနွေးခဲ့ပါတယ်။

ကိုဗစ်ကပ်ရောဂါကို ထိန်းချုပ်မှုနဲ့ စီးပွားရေး ပြန်လည်ပတ်လာအောင် ဆောင်ရွက်နိုင်တဲ့ ဘင်္ဂလားဒေ့ရှ်အစိုးရရဲ့ လုပ်ဆောင်ချက်တွေကို ရှာဖာက ချီးကျူးခဲ့ပြီး ကပ်ရောဂါကနေ အပြည့်အ၀ ရုန်းထွက်နိုင်ရေး ကမ္ဘာ့ဘဏ်က ကူညီပေးသွားမယ်လို့လည်း ဆိုပါတယ်။

ဘင်္ဂလားဒေ့ရှ်ရဲ့ ဖွံဖြိုးတိုးတက်မှုကိုလည်း ရှာဖာက ထည့်သွင်းချီးကျူးခဲ့ပါတယ်။

“ဖွံ့ဖြိုးတိုးတက်မှု အောင်မြင်အောင် လုပ်ဆောင်ရာမှာ ဘင်္ဂလားဒေ့ရှ်က သိပ်ကို အတူယူဖို့ကောင်းပါတယ်။ ၂၀၃၁ ရောက်ရင် ဝင်ငွေအလယ်အလတ်ထက်ပိုတဲ့နိုင်ငံတစ်ခု ဖြစ်လာရေး ရည်ရွယ်ပြီး ပြည်သူတွေအားလုံး စံစားရမယ့် စီးပွားရေးဖွံဖြိုးတိုးတက်မှုလမ်းကြောင်းကို လျှောက်လှမ်းရာမှာ ကမ္ဘာ့က ခြေလှမ်းတိုင်းအတွက် ရှိနေမှာဖြစ်ပါတယ်”

ရှာဖာရဲ့ ခရီးစဉ်မှာ ၂၀၂၃-၂၀၂၇ ကမ္ဘာ့ဘဏ်-ဘင်္ဂလားဒေ့ရှ် ပူးပေါင်းဆောင်ရွက်မှု မူဘောင် ဖော်ဆောင်ရေး၊ နိုင်ငံအတွင်းက အသေးစား၊ အလတ်စား စီးပွားရေးလုပ်ငန်းတွေ၊ ဘင်္ဂလာဒေ့ရှ်ရဲ့ ဖွံ့ဖြိုးတိုးတက်မှု စီမံကိန်းတွေမှာ ကူညီပေးနိုင်ရေးတွေကိုလည်း ဆွေးနွေးခဲ့ပါတယ်။

Ref: bdnews24