အိုမီခရွန်ရန်ကြောင့် အွမ္မရာဘုရားဖူးခရီးစဉ်ကို မလေးရှားက ခွင့်မပြုတော့

ဇန်နဝါရီ ၂၊ ၂၀၂၂
M-Media

-ကိုဗစ်မျိုးကွဲသစ် အိုမီခရွန်(Omicron) ကူးစက်မှုကို တားဆီးနိုင်ဖို့အတွက် ဇန်နဝါရီ ၈ ရက်နောက်ပိုင်း ဆော်ဒီအာရေဗျနိုင်ငံဆီ အွမ္မရာဘုရားဖူးခရီးသွားရောက်မှုကို မလေးရှားက ပိတ်ပင်လိုက်ပါတယ်။

ဒီဇင်ဘာ ၃၁ ရက်နေ့အထိ မလေးရှားမှာ အိုမီခရွန်ကူးစက်မှု ၆၄ ခု ရှိခဲ့ပြီး အဲဒီအထဲက ၃၂ ခုဟာ အွမ္မရာသွားသူတွေနဲ့ စက်ဆပ်နေတာပါ။ အွမ္မရာပြန်လာသူကနေ လူအများအပြား ကိုဗစ်ကူးစက်မှုကလည်း ၉ နေရာလောက် ရှိနေပါတယ်။

မလေးရှား ကျန်းမာရေးဝန်ကြီး ခိုင်ရီ ဂျမာလွတ်ဒင်က အွမ္မရာပြန်လာသူတွေဟာ နေအိမ်ကွာရန်တင်းစည်းမျဉ်း ချိုးဖောက်တာတွေ ရှိနေတယ်လို့ မနေ့က သတင်းစာရှင်းလင်းပွဲမှာ ပြောကြားခဲ့ပါတယ်။

“အွမ္မရာပြုပြီး ပြန်လာတဲ့သူတွေဟာ နေအိမ်မှာ ၇ ရက် ကွာရန်တင်းဝင်ရတယ်။ ဒါပေမယ့် ကွာရန်တင်းစည်းမျဉ်း ချိုးဖောက်တာတွေ ရှိ​ပြီး ကိုဗစ်ကူးတဲ့ အွမ္မရာဘုရားဖူးတွေကနေတစ်ဆင့် မိသားစုတွေကိုပါ ကူးစက်သွားပါတယ်”

အဲဒီကနေ ဘုရားဖူးသူတွေကို လာရောက်တွေ့ဆုံကြတဲ့ ဆေမျိုးတွေ၊ ပတ်ဝန်းကျင်ကလူတွေပါ ကူးစက်သွားတယ်လို့လည်း ဂျမာလွတ်ဒင်က ထည့်သွင်းပြောဆိုခဲ့ပါတယ်။

အွမ္မရာဘုရားဖူးခရီးစဉ်အတွက် လေယာလက်မှတ်ဘိုကင်လုပ်မှုကိုလည်း မလေးရှားက ပိတ်ပင်လိုက်ပါတယ်။ ဇန်နဝါရီ ၁ ရက်နေ့ကနေ ၇ ရက်နေ့အကြား သွားမယ့်လူတွေကို ခွင့်ပြုပေမယ့် ပြန်လာရင် ကျန်းမာရေးဝန်ကြီးဌာနက သတ်မှတ်ထားတဲ့နေရာမှာ ကွာရန်တင်းဝင်ရမယ်လို့ ကျန်းမာရေးဝန်ကြီးက ပြောပါတယ်။

Ref: CNA