စစ်ကောင်စီက ဒစ်ဂျစ်တယ်ငွေကြေးစနစ် ကျင့်သုံးရန် စီစဉ်နေ

ဖေဖော်ဝါရီ ၅၊ ၂၀၂၂
M-Media

-မြန်မာအာဏာသိမ်းစစ်ကောင်စီက ဒစ်ဂျစ်တယ်ငွေကြေးစနစ်တစ်ခု ဖော်ဆောင်ဖို့ စီစဉ်နေတယ်လို့ စစ်ကောင်စီ ပြန်ကြားရေးတာဝန်ရှိသူ ဗိုလ်မှူးချုပ် ဇော်မင်းထွန်းကို ကိုးကားပြီး Bloomberg သတင်းဌာနက ဖော်ပြပါတယ်။

ဒစ်ဂျစ်တယ်ငွေကြေးစနစ် ကျင့်သုံးခြင်းအားဖြင့် စီးပွားရေးတိုးတက်မှုကို အထောက်အကူဖြစ်စေလိမ့်မယ်လို့လည်း ဗိုလ်မှူးချုပ်က ထည့်သွင်းပြောဆိုခဲ့ပါတယ်။ ဒစ်ဂျင်တယ်ငွေကြေးကို ပြည်တွင်းကုမ္ပဏီတွေနဲ့ ပူးပေါင်းဆောင်ရွက်မလား ဒါမှမဟုတ် ဗဟိုဘဏ်ကပဲ သီးခြားထုတ်မလားဆိုတာ မဆုံးဖြတ်ရသေးဘူးလို့ သူက ဆိုပါတယ်။

ပြီးခဲ့တဲ့နှစ် ဖေဖော်ဝါရီ ၁ ရက်နေ့ စစ်တပ်က အာဏာသိမ်းပြီးတဲ့နောက်ပိုင်း မြန်မာနိုင်ငံမှာ ဘဏ်လုပ်ငန်းတွေ ရပ်ဆိုင်းလုနီးနီး ဖြစ်သွားခဲ့ပြီး၊ တိုင်းပြည်စီးပွားရေးလည်း အကြီးအကျယ် ကျဆင်းသွားခဲ့ပါတယ်။

၂၀၂၁ ခုနှစ်အတွင်း စီးပွားရေးကျဆင်းမှု ၁၈ ရာခိုင်နှုန်းအထိ ရှိခဲ့ပြီး အခုနှစ်မှာလည်း ထပ်မံကျဆင်းအုံးမယ်လို့ ကမ္ဘာ့ဘဏ်က ခန့်မှန်းထားပါတယ်။

Ref: Bloomberg