အရှေ့အလယ်ပိုင်းတွင် အမေရိကန်က ဒရုန်းတပ်ဖွဲ့ ချထားမည်

ဖေဖော်ဝါရီ ၂၂၊ ၂၀၂၂
M-Media

-အရှေ့အလယ်ပိုင်းက ရေကြောင်းဆိုင်ရာ လုံခြုံရေးအတွက် မဟာမိတ်တွေနဲ့ပေါင်းပြီး ဒရုန်းတပ်ဖွဲ့ ချသွားမယ်လို့ အမေရိကန်ရေတပ်က ထုတ်ပြန်ပါတယ်။

ဘာရိန်းမှာတပ်စွဲထားတဲ့ အမှတ် ၅ ရေတပ် ဒုတိယအကြီးအကဲ ဘရဒ်ကူးပါးက ရေပေါ်၊ ရေအောက် သွားလို့ရတဲ့ ယာဉ်တွေအပါအဝင် လူမဲ့ယာဉ်ပေါင်း ၁၀၀ လောက် တပ်ဖြန့်သွားမှာဖြစ်တယ်လို့ ဆိုပါတယ်။

ဒါဟာ ရေနံသင်္ဘောနဲ့ ကုန်တင်သင်္ဘောတွေ ဖြတ်သန်းနေတဲ့ အရေးပါတဲ့ ရေလမ်းကြောင်း စောင့်ကြည့်ထောက်လှမ်းရေး အင်အားကို သိသိသာသာ အားကောင်းစေလိမ့်မယ်လို့လည်း ကူးပါးက ပြောပါတယ်။

အမေရိကန်ရဲ့ အရှေ့အလယ်ပိုင်း ဒရုန်းတပ်ဖွဲ့ဟာ ၂၀၂၃ ခုနှစ် နွေရာသီမှာ စတင် တာဝန်ထမ်းဆောင်မှာပါ။ အမှတ် ၅ ရေတပ်ဟာ အရှေ့အလယ်ပိုင်းက အဓိက ရေလမ်းကြောင်းတွေဖြစ်တဲ့ ဟော်မုဇ် ရေလက်ကြား၊ ဆူးအက်တူးမြောင်းနဲ့ ဆက်နေတဲ့ ပင်လယ်နီ​တို့ကို တာဝန်ယူထားတာ ဖြစ်ပါတယ်။

ကူးပါးက တိုက်ချင်းပစ်ဒုံးကျည်တွေ၊ ခရုဇ်ဒုံးကျည်တွေ၊ လူမဲ့ယာဉ်တွေ အမြောက်အများ ထုတ်လုပ်ကာ၊ လက်နက်ကိုင်အဖွဲ့တွေကို တစ်ဆင့်ခံ ပံ့ပိုးပေးနေတဲ့ အီရန်ဟာ ဒေသတွင်း အဓိက ခြိမ်းခြောက်မှု ဖြစ်​နေတယ်လို့ ထည့်သွင်းပြောဆိုခဲ့ပါတယ်။

Ref: Aljazeera