ယူကရိန်းတွင် ရုရှားက ဇီ၀ဓာတုလက်နက်များပါ သုံးလာနိုင်

မတ် ၁၀၊ ၂၀၂၂

M-Media 

-ယူကရိန်းကို ကျူးကျော်တိုက်ခိုက်မှုမှာ ရုရှားဟာ ဓာတု၊ ဇီ၀ လက်နက်တွေ အသုံးပြုလာနိုင်တယ်လို့ အနောက်နိုင်ငံတွေက သုံးသပ်ပြီး သတိထားကြဖို့လည်း တိုက်တွန်းခဲ့ပါတယ်။ 

ဗုဒ္ဓဟူးနေ့ အမေရိကန်သမ္မတရုံး အိမ်ဖြူတော်ရဲ့ ထုတ်ပြန်ချက်မှာ ယူကရိန်းနိုင်ငံအတွင်း အမေရိကန်ရဲ့ ဇီ၀လက်နက် စမ်းသပ်ခန်းတွေ၊ ဓာတုလက်နက် ထုတ်လုပ်ရေးစခန်းတွေ ရှိနေတယ်ဆိုတဲ့ ရုရှားရဲ့ ပြောဆိုချက်တွေဟာ ယုတ္တမရှိတဲ့ ဟာသဆန်ဆန် ပြောကြားမှုသာ ဖြစ်တယ်လို့ တုန့်ပြန်ခဲ့ပါတယ်။

ရုရှားရဲ့ ဒီပြောကြားမှုဟာ နောက်ထပ် ကြိုတင်စီစဥ်တိုက်ခိုက်မှုတွေ လုပ်ဖို့ ပရိယာယ်ဆင်တာဖြစ်ပြီး ဓာတုလက်နက်၊ ဇီ၀လက်နက်တွေနဲ့ တိုက်ခိုက်လာနိုင်တယ်လို့ အိမ်ဖြူတော် ပြောရေးဆိုခွင့်ရှိသူ ဂျန် ဆာကီက ထည့်သွင်းပြောဆိုပါတယ်။ 

ဥရောပနိုင်ငံတစ်ချို့ကလည်း ရုရှားဟာ ယူကရိန်းစစ်ပွဲမှာ ဓာတုလက်နက်၊ နျူလက်နက် အငယ်စားတွေ၊ ဇီ၀လက်နက်တွေ၊ Dirty Bomb တွေလို သမရိုးကျမဟုတ်တဲ့ လက်နက်တွေ အသုံးပြုလာနိုင်ချေ ရှိတယ်လို့ မှတ်ချက်ပေးပါတယ်။ 

ဆီးရီးယားစစ်ပွဲမှာ ရုရှားကျောထောက်နောက်ခံပြုထားတဲ့ အဖွဲ့တွေက ဓာတုလက်နက် အသုံးပြုခဲ့တာတွေကို ထောက်ပြပါတယ်။

ဂျန်ဆာကီက ယူကရိန်းမှာ ရုရှားက ဓာတု၊ ဇီ၀လက်နက် အသုံးပြုလာနိုင်ချေ၊ ဒီလက်နက်တွေရှိတယ်လို့ အကြောင်းပြပြီး တိုက်ခိုက်မှု ထပ်လုပ်နိုင်ချေကို သတိထားကြဖို့ နိုင်ငံတကာအသိုင်းအ၀ိုင်းကို တိုက်တွန်းခဲ့ပါတယ်။ 

ရုရှားဟာ ယူကရိန်းမှာ သမရိုးကျမဟုတ်ဘဲ ဖျက်ဆီးနိုင်စွမ်းပြင်းတဲ့ လက်နက်တွေ အသုံးပြုတယ်ဆိုတဲ့ သတင်းတွေလည်း ထွက်ပေါ်နေတာ ဖြစ်ပါတယ်။

Ref: BBC