ယူကရိန်းစစ်ပွဲတွင် နိုင်ငံခြားလက်နက်ကိုင်များပါ ပါလာရန် ရုရှား စီစဥ်နေ

မတ် ၁၂၊ ၂၀၂၂

M-Media

-အရှေ့အလယ်ပိုင်းက လက်နက်ကိုင် ၁၆၀၀၀ လောက် ယူကရိန်းမှာ ၀င်ရောက်တိုက်ခိုက်ပေးဖို့ အဆင်သင့်ရှိနေတယ်လို့ ရုရှား ကာကွယ်ရေး၀န်ကြီး ဆာဂျီ ရှိုဂူက ပြောပါတယ်။ 

ယူကရိန်းကို ကျူးကျော်စစ်မှာ နိုင်ငံရပ်ခြားက တိုက်ခိုက်ရေးသမားတွေ ၀င်ရောက်တိုက်ခိုက်ပေးဖို့ သမ္မတ ဗလာဒီမီရ်ပူတင်က တိုက်တွန်းထားတာ ဖြစ်ပါတယ်။ 

အရှေ့အလယ်ပိုင်းက ပါ၀င်လာမယ့် တိုက်ခိုက်ရေးသမားတွေဟာ ဆီးရီးယားက ဖြစ်ဖို့များပြီး မြို့ပြတိုက်ပွဲကို ကျွမ်းကျင်သူတွေ ပါလာနိုင်တယ်လို့ အမေရိကန် တာ၀န်ရှိသူတွေက သုံးသပ်ပါတယ်။ 

ရုရှားဟာ ဆီးရီးယားအာဏာရှင် ဘာရှာအလ်အာဆတ်ရဲ့ အနီးကပ် မဟာမိတ် ဖြစ်ပါတယ်။ 

မနေ့က လုံခြုံရေးဆိုင်ရာ  အစည်းအ၀ေးမှာ ပူတင်က ငွေးကြေးကြောင့်မဟုတ်ဘဲ၊ ယူကရိန်းအရှေ့ပိုင်းက ခွဲထွက်ရေးသမားတွေကို ကူညီရေး တိုက်ခိုက်ဖို့လာတဲ့သူတွေကို ကူညီပေးရမယ်လို့ ပြောကြားခဲ့ပါတယ်။ 

ဗြိတိသျှစစ်တပ်က တာ၀န်ထမ်းဆောင်နေတဲ့ တပ်ဖွဲ့၀င်တစ်ချို့အပါအ၀င် ကမ္ဘာတစ်၀ှမ်းက စေတနာ့၀န်ထမ်း တိုက်ခိုက်ရေးသမား ၁၆၀၀၀ လောက် ယူကရိန်းဖက်က ၀င်ရောက် တိုက်ခိုက်ပေးနေပါတယ်။ 

Ref: BBC