မိန်းကလေးများအတွက် ကျောင်းဖွင့်ပြီး နာရီပိုင်းအကြာတွင် တာလီဘန်က ပြန်ပိတ်

မတ် ၂၃၊ ၂၀၂၂

M-Media 

-အလယ်တန်းနဲ့ အထက်တန်းကျောင်းသူ မိန်းကလေးတွေကို ကျောင်းတက်ခွင့်ပြုပြီး နာရီပိုင်းအရာမှာပဲ တာလီဘန်က ပြန်ပိတ်လိုက်ပါတယ်။

တန်းနဲ့ အထက်တန်းကျောင်းသူ မိန်းကလေးတွေကို ကျောင်းတက်ခွင့်ပြုပြီး နာရီပိုင်းအရာမှာပဲ တာလီဘန်က ပြန်ပိတ်လိုက်ပါတယ်။

ပြီးခဲ့တဲ့နှစ် သြဂုတ်လ တစ်နိုင်လုံးကို သိမ်းပိုက်ပြီးနောက်ပိုင်း အလယ်တန်းနဲ့ အထက်တန်းကျောင်းသူတွေကို တာလီဘန်က ကျောင်းတက်ခွင့် ပိတ်ပင်ခဲ့ပြီး ၇ လအကြာမှာ ပထမဆုံးအကြိမ်အဖြစ် ဒီကနေ့မှာ ကျောင်းပြန်တက်ခွင့် ပေးခဲ့တာပါ။ 

ဒါပေမယ့် ခွင့်ပြုပြီး နာရီပိုင်းအကြာမှာပဲ တာလီဘန်ရဲ့ ပညာရေး၀န်ကြီးဌာနက အစ္စလာမ့်ဥပဒေ၊ အာဖဂန်ယဥ်ကျေးမှုနဲ့ ကိုက်ညီတဲ့ အခြေအနေတစ်ခု ဖန်တီးပြီးတဲ့အချိန်အထိ ၆ တန်းအထက် မိန်းကလေးတွေကို ကျောင်းတက်ခွင့်မပြုဘူးလို့ ထပ်မံ ထုတ်ပြန်ခဲ့ပါတယ်။ 

ဘာ့ကြောင့် ဒီလို ပြန်လည်ပိတ်ပင်တာလဲဆိုတာ ပြောခွင့်မရှိတဲ့အတွက် မပြောနိုင်ဘူးလို့ တာလီဘန် ပြောရေးဆိုခွင့်ရှိသူ အီနာမူလာ ဆာမန်ဂါနီက AFP သတင်းဌာနကို ပြောပါတယ်။ 

လန်ဒန်အခြေစိုက် အာဖဂန်နိုင်ငံရေးသမားနဲ့ ဂျာနယ်လစ်တစ်ယောက်ဖြစ်တဲ့ ရှူကရီယာ ဘာရက်ဇိုင်က တာလီဘန်ရဲ့ ဒီလုပ်ရပ်ဟာ အလွန် စိတ်ပျက်စရာကောင်းပြီး၊ သူတို့စကားကို ယုံလို့မရဘူး၊ ကတိမတည်ဘူးဆိုတာ ဒီအဖြစ်အပျက်က ပြသနေကြောင်း ၀ေဖန်ခဲ့ပါတယ်။ 

“အလယ်တန်းနဲ့ အထက်တန်းကျောင်းတွေကို မိန်းကလေးတွေ တက်လို့မရအောင် ပိတ်ပင်တယ်။ မူလတန်းကျောင်းလည်း တစ်နိုင်ငံလုံးအတိုင်းအတာနဲ့ ဖွင့်မပေးသေးပါဘူး။ ပြည်နယ်အများစုမှာ မိန်းကလေးတွေဟာ မူလတန်းတောင် သင်ခွင့်မရပါဘူး။ တာလီဘန်တွေဟာ အရင်ကလို မိန်းကလေးတွေရဲ့ ပညာရေးကို ဆန့်ကျင်နေတုန်းပါ”

Ref: Aljazeera