ကိုဗစ်စည်းမျဥ်းချိုးဖောက်မှုဖြင့် ယူကေ၀န်ကြီးချုပ်ရုံး ဒဏ်ရိုက်ခံရ

မတ် ၂၉၊ ၂၀၂၂

M-Media 

-၀န်ကြီးချုပ် ဘောရစ်ဂျွန်ဆင် ရုံးထိုင်တဲ့ လန်ဒန်မြို့ ၀န်ကြီးချုပ်ရုံးက ၀န်ထမ်း ၂၀ ကို ကိုဗစ်စည်းမျဥ်း ချိုးဖောက်မှုအတွက် ဒဏ်တပ်ခဲ့တယ်လို့ လန်ဒန်ရဲတပ်ဖွဲ့က ဒီကနေ့မှာ ထုတ်ပြန်ပါတယ်။ 

၂၀၂၀၊ ၂၀၂၁ ကာလ ကိုဗစ်စည်းကမ်း တင်းကြပ်ထားချိန် ၀န်ကြီးချုပ် ဂျွန်ဆင်နဲ့ သူ့ရုံးက တာ၀န်ရှိသူတွေဟာ သောက်ပွဲပါတဲ့ပါတီ အနည်းဆုံး တစ်ဒါဇင်လောက် ကျင်းပခဲ့တယ်ဆိုတဲ့ နာမည်ကျော်ပြဿနာအတွက် ပထမဆုံး အရေးယူမှု ဖြစ်ပါတယ်။

ဘယ်သူတွေ ဒဏ်ငွေပေးဆောင်ခဲ့ရလဲဆိုတာ ထုတ်မပြောဘူးလို့ ရဲတပ်ဖွဲ့က ဆိုပါတယ်။ ၀န်ကြီးချုပ် ဂျွန်ဆင်က အခုတစ်ခေါက် အရေးယူမှုမှာ ပါ၀င်ဖွယ် မရှိပါဘူး။ 

ဒီကိစ္စကို အစပိုင်းမှာ ဂျွန်ဆင်က ငြင်းဆိုခဲ့ပေမယ့် နောက်ပိုင်းမှာတော့ ကိုဗစ်စည်းမျဥ်းကို ချိုးဖောက်ကာ လူစုလူ၀ေးလုပ်ခဲ့ကြောင်း ၀န်ခံခဲ့ပါတယ်။ 

ရဲတပ်ဖွဲ့ရဲ့ စုံစမ်းစစ်ဆေးမှုမှာ ပူးပေါင်းဆောင်ရွက်ခဲ့ပြီး၊ ထူးခြားမှုရှိရင် လူသိရှင်ကြား ထုတ်ပြန်သွားမယ်လို့ ယူကေ၀န်ကြီးချုပ်ရုံးက ပြီးခဲ့တဲ့လမှာ ကြေငြာခဲ့ပါတယ်။ 

၀န်ကြီးချုပ် ဂျွန်ဆင်ဟာ ပြစ်မှုထင်ရှားရန် အနည်းဆုံး ဒဏ်ငွေရိုက်ခံရမှာ ဖြစ်ပါတယ်။ 

Ref: Reuters