အာဏာသိမ်းစစ်ကောင်စီကို ထောက်ခံပံ့ပိုးမည်ဟု တရုတ်က ထပ်မံ ကတိပြု

ဧပြီ ၂၊ ၂၀၂၂

M-Media 

-ပြည်သူရွေးကောက်တင်မြှောက်ထားတဲ့ အစိုးရကို ဖြုတ်ချပြီး အာဏာသိမ်းထားတဲ့ စစ်ခေါင်းဆောင်တွေကို ဆက်လက် ထောက်ခံ ပံ့ပိုးပေးသွားမယ်ဆိုတဲ့ သဘောထားကို တရုတ်က လူသိရှင်ကြား ထပ်မံ ထုတ်ဖော်လိုက်ပါတယ်။ 

စစ်ကောင်စီခန့် နိုင်ငံခြားရေး၀န်ကြီး ဦး၀ဏ္ဏမောင်လွင်ရဲ့ ပြီးခဲ့တဲ့ ရက်ပိုင်း တရုတ်ပြည်ခရီးစဥ်မှာ တရုတ် နိုင်ငံခြားရေး၀န်ကြီး ၀မ်ယီက အခြေအနေတွေ ဘယ်လိုပဲ ပြောင်းလဲသည်ဖြစ်စေ တရုတ်က မြန်မာနိုင်ငံရဲ့ အချုပ်အခြာအာဏာ၊ လွတ်လပ်ရေး၊ နယ်မြေပိုင်စိုးမှုကို ဆက်လက် ထောက်ခံ ပံ့ပိုးပေးသွားမယ်လို့ သတင်းစကား ပါးခဲ့ပါတယ်။ 

ဒါ့အပြင် သမ္မတ ရှီကျင့်ဖျင်ရဲ့ ရည်မှန်းချက်ကြီးတဲ့ Belt and Road စီမံကိန်း တစ်စိတ်တစ်ပိုင်းဖြစ်တဲ့ တရုတ်-မြန်မာ စီးပွားရေး စင်္ကြန် တည်ဆောက်ရေး အရှိန်မြှင့်ဆောင်ရွက်ဖို့လည်း ၀မ်ယီက ထည့်သွင်း ပြောဆိုခဲ့ပါတယ်။ 

တရုတ်ဟာ မြန်မာစစ်အာဏာရှင်အဆက်ဆက်ကို ကျောထောက်နောက်ခံပြု ပံ့ပိုးပေးခဲ့တာ ဖြစ်ပါတယ်။ 

စစ်ကောင်စီခန့် နိုင်ငံခြားရေး၀န်ကြီး ဦး၀ဏ္ဏမောင်လွင်ကလည်း တရုတ်ရဲ့ အကျိုးစီးပွားနဲ့ ဆက်နွယ်နေတဲ့ ရပ်တည်ချက်အားလုံးကို ထောက်ခံပြီး Belt and Road စီမံကိန်းအပါအ၀င် ပူးပေါင်းဆောင်ရွက်မှုတွေ တိုးမြှင့်လုပ်ဆောင်ဖို့ ဆန္ဒရှိကြောင်း ပြောကြားခဲ့ပါတယ်။ 

ဦး၀ဏ္ဏမောင်လွင်နဲ့ ၀မ်ယီတို့ဟာ ဒေသတွင်းကိစ္စတွေ၊ တောင်တရုတ်ပင်လယ်အရေးနဲ့ ယူကရိန်းပြဿနာတို့ကိုလည်း ဆွေးနွေးခဲ့ကြပါတယ်။ 

မြန်မာစစ်တပ်နဲ့ တရုတ်အစိုးရတို့ဟာ လူနည်းစုတွေအပေါ်  ဖိနှိပ်ညှင်းပမ်းတဲ့ လုပ်ရပ်တွေ လုပ်ဆောင်ရာမှာ တူညီကြတာလည်း ဖြစ်ပါတယ်။ 

Ref: The Star