နယ်စပ်မှ တရားမ၀င် ၀င်လာသူများ မရှိရန် ထိုင်းက တင်းတင်းကြပ်ကြပ် ကိုင်တွယ်မည်

ဧပြီ ၆၊ ၂၀၂၂

M-Media 

-မတ်လအတွင်း မြန်မာနိုင်ငံက တရားမ၀င် ၀င်ရောက်လာသူ ၁၆၀၀ ကျော်လောက်ကို ဖမ်းဆီးရမိတယ်လို့ ထိုင်းနိုင်ငံက ထုတ်ပြန်ပြီး စစ်ဆေးဖမ်းဆီးမှုတွေ ပိုမိုလုပ်ဆောင်သွားဖို့လည်း ရှိနေပါတယ်။  

၂၀၂၁ ခုနှစ် ဖေဖော်၀ါရီလ စစ်တပ်က အာဏာသိမ်းပြီးနောက်ပိုင်း ထိုင်းနိုင်ငံကို နယ်စပ်ကနေ အလုပ်အကိုင်အတွက် တရားမ၀င် သွားရောက်ကြတဲ့ မြန်မာနိုင်ငံသားအရေအတွက် သိသိသာသာ မြင့်တက်လာပါတယ်။ 

အခုနှစ် ဇန်န၀ါရီလမှာ တရားမ၀င် ၀င်ရောက်တဲ့ မြန်မာနိုင်ငံသား ၄၀၀၀ ကျော်၊ ဖေဖော်၀ါရီလမှာ ၅၀၀၀ ကျော်ရှိခဲ့ပြီး၊ မတ်လမှာတော့ အရေအတွက် ကျဆင်းသွားပါတယ်။ 

မဲဆောက်အခြေစိုက်ပြီး မြန်မာအလုပ်သမားအရေး ကူညီဆောင်ရွက်ပေးနေတဲ့ JACBA အဖွဲ့ ဥက္ကဌ မိုးဂျိုက တရားမ၀င် ၀င်ရောက်လာသူတွေ တားဆီးရေး တင်းတင်းကြပ်ကြပ်ဆောင်ရွက်ဖို့အတွက် ထိုင်းဗဟိုအစိုးရက ညွှန်ကြားထားတာကြောင့် အခုလို အရေအတွက် ကျဆင်းသွားတာလို့ ပြောပါတယ်။ 

ထိုင်းအာဏာပိုင်တွေဟာ နယ်စပ်တစ်လျှောက် လုံခြုံရေး တိုးမြှင့်ချထားတာ၊ ကျေးရွာတွေကို ရှောင်တခင် ၀င်စစ်တာ၊ လူကုန်ကူးသူတွေကို ပြင်းပြင်းထန်ထန် အရေးယူတာတွေကို ပိုမို လုပ်ဆောင်လာဖို့ရှိတယ်လို့လည်း မိုးဂျိုက ထည့်သွင်းပြောဆိုခဲ့ပါတယ်။ 

Ref: The Star