ဘိုးအင်းနှင့်ပေါင်း၍ ဆော်ဒီက လေကြောင်းကာကွယ်ရေး အဆင့်မြှင့်မည်

ဧပြီ ၁၁၊ ၂၀၂၂

M-Media

-ဆော်ဒီအစိုးရပိုင် စစ်လက်နက်ထုတ်လုပ်ရေးလုပ်ငန်း SAMI ဟာ အမေရိကန် လေယာဥ်ကုမ္ပဏီ ဘိုးအင်းနဲ့ ပူးပေါင်းဆောင်ရွက်ဖို့ သဘောတူညီချက်တွေ ရရှိခဲ့ပါတယ်။ 

သဘောတူညီချက်အရ ဘိုးအင်းကုမ္ပဏီဟာ ဆော်ဒီ လေကြောင်းကာကွယ်ရေး ကဏ္ဍအားလုံးအတွက် ၀န်ဆောင်မှု ပေးသွားမှာ ဖြစ်ပါတယ်။ 

SAMI လုပ်ငန်းရဲ့ ဥက္ကဌ အဟ်မဒ် အလ်-ခါတစ်ဘ်က အခု ပူးပေါင်းဆောင်ရွက်မှုဟာ နိုင်ငံရဲ့တိုးတက်လာတဲ့ လကြောင်းကဏ္ဍရဲ့ လိုအပ်ချက်တွေကို ဖြည့်ဆည်းပေးနိုင်မှာဖြစ်ပြီး လာမယ့်နှစ်အနည်းငယ်အတွင်း အောင်မြင်မှုအသီးအပွင့်တွေကို မြင်ရတော့မယ်လို့ ပြောကြားခဲ့ပါတယ်။ 

၂၀၃၀ မှာ နိုင်ငံက လိုအပ်တဲ့ စစ်လက်နက်ပစ္စည်းရဲ့ ၅၀ ရာခိုနှုန်းကို ပြည်တွင်းမှာထုတ်လုပ်ဖို့ ဆော်ဒီအစိုးရက ပစ်မှတ်ထားနေတဲ့အချိန် ဘိုးအင်းကုမ္ပဏီဟာ ဆော်ဒီအာရေဗျက သူတို့ရဲ့ လုပ်သားအင်အားကို ၅၀ ရာခိုင်နှုန်းအထိ ချဲ့ထွင်ဖို့ စီစဥ်နေပါတယ်။ 

Ref: Arab News