သီရိလင်္ကာ အထွေထွေအကြပ်အတည်း ပိုဆိုးလာ

မေ ၆၊ ၂၀၂၂

M-Media

-ဒေ၀ါလီခံလိုက်ရတဲ့ သီရိလင်္ကာနိုင်ငံမှာ ပြည်သူတွေ ရင်ဆိုင်နေရတဲ့ အထွေထွေအကြပ်အတည်းဟာ ပိုဆိုးလာပါတယ်။ 

ဆန်စျေး၊ လောင်စာဆီစျေး ၁၀၀ ရာခိုင်နှုန်းအထိ တက်လာသလို နို့မှုန့်၊ ဂက်စ်နဲ့ ဆေး၀ါး စတဲ့ အခြေခံကုန်ပစ္စည်းတွေလည်း ပြတ်လပ်နေဆဲပါ။ 

လူသုံးကုန်၊ စားသောက်ကုန်တွေကို လိုင်းစီ ၀ယ်ယူရင်း အပူဒဏ်ကြောင့် သေဆုံးမှုတွေလည်း ရှိနေပါတယ်။ ဖေဖော်၀ါရီလက စတင်ပြီး နိုင်ငံတစ်၀ှမ်း တစ်နေ့ကို ၁၃ နာရီလောက်အထိ ဓာတ်အား ပြတ်တောက်နေပါတယ်။ 

ပြည်သူတွေဟာ နေ့စဥ်လိုလို ဆန္ဒပြမှုတွေလုပ်ကာ သမ္မတ ဂိုတာဘာယာ ရာဂျာပက်ဆာအစိုးရ နှုတ်ထွက်ဖို့ တောင်းဆိုနေပေမယ့် ဂိုတာဘာယာကတော့ မဆင်းသေးပါဘူး။ 

ဂိုတာဘာယာဟာ ဆင်ဟာလာ အမျိုးသားရေး၀ါဒီတစ်ယောက်ဖြစ်ပြီး မိသားစုလိုက် အာဏာကို ချုပ်ကိုင်ထားတဲ့အတွက် အရင်ကတည်းက ၀ေဖန်ခံနေရတာ ဖြစ်ပါတယ်။ 

တရုတ်ရဲ့ အကြွေးထောင်ချောက် ရှိနေတဲ့အချိန် ကိုဗစ်ကပ်ရောဂါကြောင့် စီးပွားရေးကျဆင်းတာ၊ ဂိုတာဘာယာအစိုးရရဲ့ မူ၀ါဒအမှားတွေ၊ နိုင်ငံခြားအရန်ငွေလျော့နည်းတာတွေကြောင့် သီရိလင်္ကာဟာ ပြီးခဲ့တဲ့နှစ် နှောင်းပိုင်းကတည်းက စီးပွားပျက်မှုကို ခံစားခဲ့ရပြီး အခုနှစ်မတ်လမှာတော့ ဒေ၀ါလီခံကြောင်း အစိုးရက တရား၀င်ကြေငြာခဲ့ပါတယ်။ 

Ref: Asia Times