မေ ၂၄၊ ၂၀၂၂
M-Media

-နိုင်ငံရဲ့ သမိုင်းကြောင်းနဲ့ ယဥ်ကျေးမှုအမွေအနှစ်တွေကို တစ်စုတစ်စည်း ပြသနိုင်မယ့် ပြတိုက်တစ်ခုကို ဆော်ဒီအာရေဗျက စတင်ဆောက်လုပ်နေပါတယ်။

Royal Art Complex လို့ အမည်ပေးထားပြီး မြို့တော်ရီယာ့ဒ်က King Salman Park ပန်းခြံမှာ တည်ရှိမှာ ဖြစ်ပါတယ်။

ဒီအဆောက်အဦးမှာ ရှေဟောင်းနဲ့ ခေတ်ပြိုင် အနုပညာလက်ရာတွေကို ပြသမယ့် ပြတိုက်တစ်ခု၊ စာကြည့်တိုက်၊ ပညာရပ်ဆိုင်ရာ သင်တန်းကျောင်း ၃ ခု၊ လူ ၆၀၀ ဆန့်တဲ့ ဘက်စုံသုံး ခန်းမတစ်ခု ပါ၀င်မှာ ဖြစ်ပါတယ်။

ပြတိုက်ဟာ ၁၀၆ မီတာမြင့်မှာဖြစ်ပြီး အဆောက်အဦးရဲ့ အထူးခြားဆုံးနဲ့ ဗိသုကာအမြောက်ဆုံး အဆောက်အဦး ဖြစ်လာပါလိမ့်မယ်။

လူ ၂၃၀၀ ဆန့်တဲ့ အမျိုးသားကဇာတ်ရုံ တစ်ခုနဲ့ ရုပ်ရှင်ရုံ ၃ ရုံကိုလည်း Royal Art Complex အဆောက်အဦးမှာ ထည့်သွင်း တည်ဆောက်မှာ ဖြစ်ပါတယ်။

King Salman Park ပန်းခြံဟာ ရီယာ့ဒ်မြို့ရဲ့ အချက်အခြာကျတဲ့ နေရာမှာ တည်ရှိပြီး ဆော်ဒီပြည်သူတွေ အားကစားနဲ့ ယဥ်ကျေးမှုအနုပညာတွေကို မြည်းစမ်းနိုင်ရုံသာမက အပန်းဖြေနေရာတစ်ခုလည်း ဖြစ်ပါတယ်။

ဆော်ဒီဟာ ၂၀၃၀ ရည်မှန်းချက် ချမှတ်ကာ ဘက်စုံဖွံ့ဖြိုးတိုးတက်အောင် ဆောင်ရွက်နေပြီး ပြည်သူတွေ စိတ်အေးချမ်းသာစွာ ဘ၀တည်ဆောက် နေထိုင်ဖြတ်သန်းနိုင်မယ့် အသိုက်အ၀န်းတွေ ဖန်တီးပေးရေးလည်း ဒီရည်မှန်းချက်မှာ ပါ၀င်ပါတယ်။

Ref: Arab News

mmInternationalNews