Facebook
မေ ၂၈၊ ၂၀၂၂
M-Media
၏ 
-စစ်တပ်အကြီးအကဲ ဗိုလ်ချုပ် အဘ်ဒွလ်ရာဟင် မူဆာဗီ လျှို့၀ှက် မြေအောက်ဒရုန်းတပ်စခန်း သွားရောက်စစ်ဆေးကြည့်ရှုတဲ့ ဓာတ်ပုံတွေကို အီရန်က ထုတ်ပြလာပါတယ်။
ဒါဟာ သိုသိုသိပ်သိပ် တည်ဆောက်နေတဲ့ ဒရုန်းတပ်ဖွဲ့နဲ့ပတ်သက်ပြီး အီရန်ရဲ့ ပထမဆုံး လူသိရှင်ကြား ထုတ်ပြန်မှုပါ။
ဇာဂရို့စ်တောင်တန်းအောက်မှာ တည်ဆောက်ထားတဲ့ ဒီစခန်းမှာ ပြည်တွင်းဖြစ် ထိပ်တန်းဒရုန်းပေါင်း ၁၀၀ လောက် သိမ်းဆည်းထားတယ်လို့ အီရန်နိုင်ငံပိုင် သတင်းဌာနက ဖော်ပြခဲ့ပါတယ်။
“အီရန်ရဲ့ ဒရုန်းတပ်ဖွဲ့အင်အားဟာ ဒေသတွင်း အင်အားအကောင်းဆုံးဆိုတာ သံသယဖြစ်စရာ မလိုပါဘူး။ ကျွန်တော်တို့ရဲ့ ဒရုန်းတွေအဆင့်မြှင့်တင်နိုင်စွမ်းကို ဘယ်သူမှ တားဆီးလို့ မရပါဘူး” လို့ စစ်တပ်အကြီးအကဲ မူဆာဗီက ပြောပါတယ်။
အစိုးရသတင်းဌာန သတင်းထောက်က ဒီတပ်စခန်းဟာ နိုင်ငံအနောက်ပိုင်း ကာရ်မန်ရှားမြို့ကနေ ရဟတ်ယာဥ်နဲ့ ၄၅ မိနစ်သွားရပြီး သူ့ကို မျက်လုံးအ၀တ်စည်း ခေါ်ဆောင်သွားတာလို့ ပြောပါတယ်။
ထုတ်ပြန်ခဲ့တဲ့ ဓာတ်ပုံတွေ ဗီဒီယိုတွေထဲမှာ Ababil-5 အပါအ၀င် ပြည်တွင်းဖြစ် လက်နက်တပ်ဒရုန်း တော်တော်များများကို တွေ့ရပါတယ်။
အီရန်ဟာ ပြီးခဲ့တဲ့နှစ်ကလည်း လျှို့၀ှက် မြေအောက်ဒုံးကျည်စခန်း ပုံတွေကို ထုတ်ပြန်ခဲ့ဖူးပါတယ်။
Ref: Reuters
M-Media on Twitter
M-Media Tube
Comments