စစ်ကောင်စီ တိုက်လေယာဥ် ကျူးကျော်မှု ထိုင်းဘာပြောသလဲ

ဇူလိုင် ၁၊ ၂၀၂၂
M-Media

-မနေ့က စစ်ကောင်စီတိုက်လေယာဥ် လေပိုင်နက် ကျူးကျော်၀င်ရောက်လာမှုအတွက် စစ်သံမှူးကနေတစ်ဆင့် သတိထောက်လွှာ ပေးအပ်သွားမယ်လို့ ထိုင်းဖက်က ထုတ်ပြန်ပါတယ်။

မြ၀တီမြို့နယ် ၀ေါလေဒသက စစ်ကောင်စီရဲ့ ဥကရစ်ထ အထိုင်စခန်းကို ကရင်အမျိုးသားအစည်းအရုံး KNU ဦးဆောင်တဲ့တပ်တွေက တိုက်ခိုက်ရာမှာ တိုက်ပွဲတွေ ပြင်းထန်နေတာပါ။

စစ်ကောင်စီတပ်က လေကြောင်းကနေ တိုက်ခိုက်တာမျိုး ရှိခဲ့ပြီး မနေ့ကတော့ တိုက်လေယာဥ်တစ်စင်း တက်ပြည်နယ် ဖော့ဖရာခရိုင်ထဲ ရောက်သွားပါတယ်။

ထိုင်းလေတပ်ရဲ့ ထုတ်ပြန်မှုမှာ မြန်မာဘက်က MiG-29 တိုက်လေယာဥ်ဟာ ထိုင်းလေပိုင်နက်ထဲ ၅ ကီလိုမီတာလောက် ကျူးကျော်၀င်ရောက်လာတဲ့အတွက် F16 တိုက်လေယာဥ် ၂ စီး အရေးပေါ် ပျံတက် စောင့်ကြည့်ခဲ့ရတယ်လို့ ဖော်ပြထားပါတယ်။

ဒါ့အပြင် ဒီကိစ္စအတွက် မြန်မာဖက်ကို သတိထောက်လွှာပေးအပ်ဖို့ စစ်သံမှူးကို ညွှန်ကြားထားတယ်လို့ ဆိုပါတယ်။

စစ်ကောင်စီလေယာဥ် ကျူးကျော်၀င်ရောက်လာတာကို နယ်စပ်က ထိုင်းပြည်သူတွေလည်း တွေ့ခဲ့ရပြီး စာသင်ကျောင်းက ကလေးတွေနဲ့ အခြားပြည်သူတွေဟာ ဘေးလွတ်ရာမှာ ပုန်းရှောင်ခဲ့ရပါတယ်။

Ref: Bangkok Post