အရှေ့အလယ်ပိုင်းကို ဆက်လက်စောင့်ရှောက်မည်ဟု အမေရိကန် ကတိပြု

ဇူလိုင် ၁၆၊ ၂၀၂၂
M-Media

-အမေရိကန်ဟာ အရှေ့အလယ်ပိုင်းကနေ ခွာမှာမဟုတ်ဘဲ ဆက်လက်စောင့်ရှောက်မယ်လို့ အမေရိကန်သမ္မတ ဂျိုးဘိုင်ဒန်က ပြောကြားလိုက်ပါတယ်။

အာရပ်ခေါင်းဆောင်တွေနဲ့ ဂျိုးဘိုင်ဒန်တို့ ပါ၀င်တဲ့ ထိပ်သီးအစည်းအ၀ေးကို ဆော်ဒီအာရေဗျနိုင်ငံ ဂျစ်ဒါမြို့မှာ ဒီကနေ့ကစတင်ပြီး ကျင်းပပြုလုပ်နေတာ ဖြစ်ပါတယ်။

ဒေသတွင်း လုံခြုံရေးနဲ့ အပြန်အလှန် ဆက်ဆံရေး တိုးမြှင့်ဖို့အတွက် ခေါင်းဆောင်းတွေက ဆွေးနွေး ကြမှာပါ။

“အရှေ့အလယ်ပိုင်းကို ကျွန်တော်တို့ ပစ်သွားမှာမဟုတ်ပါဘူး။ ဒီလိုသာ ပစ်သွားရင် တရုတ်၊ ရုရှားနဲ့ အီရန်တို့က ဒီနေရာကို ၀င်သွားပါလိမ့်မယ်။ တက်ကြွ၊ စည်းစနစ်ရှိပြီး အမေရိကန်ရဲ့ ဦးဆောင်မှုနဲ့ ဒီအနေအထားကို တည်ဆောက်သွားမှာ ဖြစ်ပါတယ်”

အရှေ့အလယ်ပိုင်း ဒေသတွင်းမှာ အမေရိကန်စစ်သည် အမြောက်အများ ပါ၀င်တဲ့ စစ်ပွဲမျိုး မရှိတော့တာကို ဂုဏ်ယူမိတယ်လို့လည်း ဘိုင်ဒန်က ထည့်သွင်းပြောဆိုခဲ့ပါတယ်။

အစည်းအ၀ေးကို ဆော်ဒီ၊ ကာတာ၊ ဘာရိန်း၊ ကူ၀ိတ်၊ အိုမန်၊ ယူအေအီး၊ ဂျော်ဒန်၊ အီဂျစ်နဲ့ အီရတ်နိုင်ငံက ခေါင်းဆောင်တွေ တက်ရောက်ခဲ့ပါတယ်။

အရှေ့အလယ်ပိုင်းက နိုင်ငံအများဟာ အာဏာရှင်နိုင်ငံတွေဖြစ်ပြီး ဒေသတွင်းမှာ အမျိုးသမီးတွေရဲ့ အခွင့်အရေးအပါအ၀င် လူ့အခွင့်အရေးကို လေးစားလိုက်နာဖို့လည်း ဘိုင်ဒန်က ထည့်သွင်းပြောကြားခဲ့ပါတယ်။

သမ္မတဘိုင်ဒန်ဟာ ဒီအစည်းအ၀ေးမှာ အရှေ့အလယ်ပိုင်းဒေသနဲ့ ပတ်သက်ပြီး အမေရိကန်ရဲ့ ရှေ့ဆက်သွားမယ့် မူ၀ါဒတွေအကြောင်း လာမယ့်ရက်တွေမှာ အသေးစိတ် ပြောသွားဖို့ ရှိနေပါတယ်။

Ref: Aljazeera