စွမ်းအင်လိုအပ်ချက် ဖြည့်ဆည်းနိုင်ရေး ပြင်သစ်ကို ယူအေအီး ကူညီမည်

ဇူလိုင် ၁၉၊ ၂၀၂၂
M-Media

-ရုရှားထံက တင်သွင်းနေရတဲ့ စွမ်းအင်လိုအပ်ချက်ကို အစားထိုးနိုင်ရေးအတွက် ပြင်သစ်ဟာ အာရပ်စော်ဘွားများပြည်ထောင်စု (ယူအေအီး) နဲ့ သဘောတူညီချက် ရယူလိုက်ပါတယ်။

ယူအေအီးခေါင်းဆောင် ရှိခ်မိုဟာမက် ပြင်သစ်ကို ရောက်ရှိလာတဲ့ မနေ့က ပြင်သစ်သမ္မတ အီမန်နျူယဲလ်မာခရွန်နဲ့ တွေ့ဆုံပြီး စွမ်းအင်ဆိုင်ရာ သဘောတူညီချက်တွေ လက်မှတ်ရေးထိုးခဲ့တာ ဖြစ်ပါတယ်။

ရုရှားထံကတင်သွင်းနေရတဲ့ လောင်စာဆီနဲ့ ဓာတ်ငွေ့တွေကို အစားထိုးနိုင်ရေး ဥရောပက ကြိုးပမ်းလာရာမှာ ယူအေအီးက အဓိက စွမ်းအင်ထောက်ပံ့တဲ့နိုင်ငံ ဖြစ်လာပါတယ်။

ပြင်သစ်ဟာ ယူအေအီးကနေ ဒီဇယ်ကို အဓိကတင်သွင်းမှာ ဖြစ်ပါတယ်။

ကမ္ဘာကြီးနဲ့ ပြင်သစ်မှာ စွမ်းအင်လိုအပ်ချက်အတွက် မကြောင့်ကြရဖို့ ယူအေအီးက ကူညီပံ့ပိုးပေးသွားမယ်လို့ ရှိခ်မိုဟာမက်က ပြင်သစ်သမ္မတနဲ့ တွေ့ဆုံစဥ်မှာ ပြောကြားခဲ့ပါတယ်။

Ref: Reuters