အရပ်သားများကိုသတ်ခဲ့သည့် စစ်သားဟောင်းများကို စစ်ရာဇ၀တ်မှုဖြင့် ကိုလံဘီယာ တရားစွဲ

ဇူလိုင် ၂၆၊ ၂၀၂၂
M-Media

-တိုင်းပြည် မငြိမ်ဖြစ်နေတဲ့ ကာလအတွင်းမှာ အရပ်သားတွေကို အစုလိုက်အပြုံလိုက် သတ်ဖြတ်မှုအတွက် စစ်သားဟောင်း ၁၉ ဦးကို ကိုလံဘီယာက စစ်ရာဇ၀တ်မှုတွေနဲ့ တရားစွဲဆိုလိုက်ပါတယ်။

ဗိုလ်ချုပ်တစ်ဦး၊ ဗိုလ်မှူးကြီးနှစ်ဦးတို့ ပါ၀င်ပြီး နိုင်ငံအလယ်ပိုင်းက ကာဆာနာရီဒေသမှာ လူပေါင်း ၃၀၃ ဦး သတ်ဖြတ်မှုနဲ့ ပတ်သတ်နေတာပါ။ ၂၀၀၅ ခုနှစ်ကနေ ၂၀၀၈ ခုနှစ်အတွင်း ဖြစ်ပွားခဲ့တဲ့ ဒီသတ်ဖြတ်မှုကို ငြိမ်းချမ်းရေးဆိုင်ရာ အထူးခုံရုံး (JEP) က စုံစမ်းစစ်ဆေးပြီးတဲ့နောက် ကျူးလွန်မှုအထောက်အထားတွေ တွေ့ရတဲ့အတွက် တရားစွဲဆိုလိုက်တာ ဖြစ်ပါတယ်။

ကိုလံဘီယာမှာ ပြည်တွင်းစစ်ကြောင့် နှစ်ပေါင်းများစွာ မတည်မငြိမ် ဖြစ်ခဲ့ပြီး အဲဒီကာလအတွင်း စစ်သားတွေက အခွင့်ထူး ခံစားရဖို့နဲ့ ရာထူးတက်ဖို့အတွက် အရပ်သားတွေကို သတ်ဖြတ်ကာ လက်နက်ကိုင်တွေအဖြစ် လိမ်လည်ပုံဖော်ကြပါတယ်။

လက်ယာသမား အလ်ဗာရို အူရိုက် သမ္မတလုပ်တဲ့ ၂၀၀၅ ခုနှစ် ၂၀၀၈ ခုနှစ်အတွင်း ကိုလံဘီယာ စစ်သားတွေဟာ သတ်ဖြတ်မှုပေါင်း ၆၄၀၀ ကျော် ကျူးလွန်ခဲ့တယ်လို့ သတင်းထွက်ပါတယ်။

စစ်တပ်နဲ့ သူပုန်တွေရဲ့ ကျူးလွန်မှုတွေကို စုံစမ်းဖော်ထုတ် ဖြေရှင်းဖို့အတွက် ၂၀၁၆ ခုနှစ် ငြိမ်းချမ်းရေးရတဲ့အခါ JEP ကို ဖွဲ့စည်းခဲ့ပါတယ်။

အခု တရားစွဲဆိုခံရတဲ့ စစ်သားတွေဟာ တပ်မ ၁၆ က ဖြစ်ပြီး အငြိမ်းစားယူထားကြသူတွေပါ။ အပြစ်ကို၀န်ခံပြီး ကျန်ရစ်သူတွေကို တောင်းပန်ရင် ထောင်ဒဏ်သက်သာမှာဖြစ်ကာ ဒါမှမဟုတ်ရင် ထောင်ဒဏ်အနှစ် ၂၀ ကျခံရမှာ ဖြစ်ပါတယ်။
Ref: Reuters

ဗိုလ်ချုပ်တစ်ဦး၊ ဗိုလ်မှူးကြီးနှစ်ဦးတို့ ပါ၀င်ပြီး နိုင်ငံအလယ်ပိုင်းက ကာဆာနာရီဒေသမှာ လူပေါင်း ၃၀၃ ဦး သတ်ဖြတ်မှုနဲ့ ပတ်သတ်နေတာပါ။ ၂၀၀၅ ခုနှစ်ကနေ ၂၀၀၈ ခုနှစ်အတွင်း ဖြစ်ပွားခဲ့တဲ့ ဒီသတ်ဖြတ်မှုကို ငြိမ်းချမ်းရေးဆိုင်ရာ အထူးခုံရုံး (JEP) က စုံစမ်းစစ်ဆေးပြီးတဲ့နောက် ကျူးလွန်မှုအထောက်အထားတွေ တွေ့ရတဲ့အတွက် တရားစွဲဆိုလိုက်တာ ဖြစ်ပါတယ်။

ကိုလံဘီယာမှာ ပြည်တွင်းစစ်ကြောင့် နှစ်ပေါင်းများစွာ မတည်မငြိမ် ဖြစ်ခဲ့ပြီး အဲဒီကာလအတွင်း စစ်သားတွေက အခွင့်ထူး ခံစားရဖို့နဲ့ ရာထူးတက်ဖို့အတွက် အရပ်သားတွေကို သတ်ဖြတ်ကာ လက်နက်ကိုင်တွေအဖြစ် လိမ်လည်ပုံဖော်ကြပါတယ်။

လက်ယာသမား အလ်ဗာရို အူရိုက် သမ္မတလုပ်တဲ့ ၂၀၀၅ ခုနှစ် ၂၀၀၈ ခုနှစ်အတွင်း ကိုလံဘီယာ စစ်သားတွေဟာ သတ်ဖြတ်မှုပေါင်း ၆၄၀၀ ကျော် ကျူးလွန်ခဲ့တယ်လို့ သတင်းထွက်ပါတယ်။

စစ်တပ်နဲ့ သူပုန်တွေရဲ့ ကျူးလွန်မှုတွေကို စုံစမ်းဖော်ထုတ် ဖြေရှင်းဖို့အတွက် ၂၀၁၆ ခုနှစ် ငြိမ်းချမ်းရေးရတဲ့အခါ JEP ကို ဖွဲ့စည်းခဲ့ပါတယ်။

အခု တရားစွဲဆိုခံရတဲ့ စစ်သားတွေဟာ တပ်မ ၁၆ က ဖြစ်ပြီး အငြိမ်းစားယူထားကြသူတွေပါ။ အပြစ်ကို၀န်ခံပြီး ကျန်ရစ်သူတွေကို တောင်းပန်ရင် ထောင်ဒဏ်သက်သာမှာဖြစ်ကာ ဒါမှမဟုတ်ရင် ထောင်ဒဏ်အနှစ် ၂၀ ကျခံရမှာ ဖြစ်ပါတယ်။

Ref: Reuters